Ár turǵyndy jeke tyńdaǵan qala basshysy, máseleniń jedel sheshilýin nazarǵa aldy. Máselen Saıahat móltek aýdanynda balalar oıyn alańyn salýdy suraǵan turǵynnyń saýalyna qatysty jaýapty mamandarǵa zertteýdi jáne oıyn alańyn salýǵa jyl aıaǵyna deıin usynys berýdi tapsyrdy. Másele kótergen turǵynǵa shahar basshysy sol mańaıdaǵy balalardyń zamanaýı oıyn alańdarynda oınaıtyn kúni de alys emes ekenin aıtty.
Jerin zańdastyrý boıynsha onlaın qabyldaýǵa júgingen turǵynnyń da saýalyna qatysty zań sheńberinde jumys jasalyp, máseleniń apta ishinde sheshiletinin jetkizdi.
Sonymen qatar qabyldaýda joldanǵan basqa da saýaldarǵa baılanysty jaýapty sala basshylaryna tıisti jumystar atqarýdy tapsyryp, oryndalý barysy óz baqylaýynda bolatyndyǵyn jetkizdi.
Aıta keteıik, buǵan deıin qala ákimi 1000-nan asa turǵyndy onlaın qabyldady. Qalalyqtar tarapynan kóterilgen ár máseleniń zań aıasynda sheshilýin udaıy nazarda ustap keledi. Qoǵamdyq qabyldaýdy ońtaılandyrý maqsatynda azamattarǵa barynsha yńǵaıly jaǵdaı jasap, elektrondy kezek júıesi qarastyrylǵan.
