«Bul qujat jol júrisi salasyndaǵy zańnamany jetildirýge baǵyttalǵan. Zań jobasynda Qazaqstanda berilgen júrgizýshi kýáligi jáne kólik quralyn tirkeý týraly kýálikti júrgizýshiniń ózimen birge alyp júrýge mindetteıtin normalardy alyp tastaý kózdeledi. Atalǵan normalardy saqtamaǵany úshin ákimshilik jaýaptylyqty alyp tastaý usynylady», - dedi Májilis depýtaty Qanat Mýsın.
Sonymen qatar, bul túzetýler sheteldik júrgizýshiler men sheteldik kólik quraldaryna qoldanylmaıdy. Sonymen qatar, zań jobasynda jol salýshylardy jolǵa baılanysty qurylystardy aldyn ala kelisýge jáne olarǵa saraptama júrgizýge mindetteıtin normalar eskerildi.
«Shyǵarylǵan ýaqyty 10 jyldan asqan avtobýstardy bastapqy memlekettik tirkeýge tyıym salý usynalady», - dedi depýtat.
