Qazaqstan • 02 Jeltoqsan, 2020

Elimizdiń 10 óńirinde balalardy ońaltý ortalyqtary ashylady

16 ret kórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda múmkindigi shekteýli jandardy áleýmettik qorǵaý máselesi qaraldy, dep habarlaıdy Egemen.kz.

Otyrysta sóz sóılegen densaýlyq saqtaý mınıstri Alekseı Soı Qazaqstanda 2020 jyldyń 10 aıynyń qorytyndysy boıynsha múgedek adamdardyń sany 705 500 adamdy quraıtynyn, onyń ishinde 93 900-i balalar ekenin atap ótti.

«Elimizde medısınalyq ońaltý úshin 500-den astam uıym jumys isteıdi, onyń ishinde 37 eresek jáne 23 balalardy ońaltý ortalyǵy bar», — dep atap ótti A. Soı.

Múmkindigi shekteýli adamdar basqalarmen teńdeı profılaktıkalyq, dıagnostıkalyq jáne emdik medısınalyq qyzmetterdi, dári-dármekterdi qamtıtyn TMKKK-men qamtamasyz etilgen. 2020 jyly qalpyna keltirý emi men medısınalyq ońaltýdy 567 jetkizýshi kórsetedi, bul 2019 jylmen salystyrǵanda 8,9 ese kóp. 2020 jyly jetkizýshilermen 638 myń qyzmet kórsetýge sharttar jasaldy, bul 2019 jylmen salystyrǵanda 15 ese kóp. 2020 jyly medısınalyq ońaltýdy qajet etetin adamdar 60%-ǵa qamtamasyz etildi. О́tken jylmen salystyrǵanda bul 7%-ǵa artyq. 2021 jyly qajetti qyzmettermen qamtamasyz etý sanyn 75%-ǵa deıin arttyrý josparlanýda, al 2025 jylǵa qaraı barlyq muqtaj azamattardy ońaltýmen tolyq qamtamasyz etýdi júzege asyrý josparlanýda.

2020 jyldyń 10 aıynda ambýlatorııalyq-emhanalyq kómek sheńberinde jalpy somasy 11 mlrd teńgeden astam 6,4 mln qyzmet, stasıonarlyq medısınalyq kómek aıasynda 90 mlrd teńgeden astam somaǵa 384 myń qyzmet kórsetildi.

«Ambýlatorııalyq dári-dármekpen qamtamasyz etý aıasynda múmkindigi shekteýli jandarǵa shamamen 5,1 mlrd teńgege 21 737 resept berildi, onyń ishinde balalar úshin 2,2 mlrd teńgege 6 859 resept, eresekter úshin 2,8 mlrd teńgege 14 878 resept», — dep atap ótti A. Soı.

Balalardyń múgedektiginiń aldyn alý úshin neonataldyq hırýrgııany, balalar kardıohırýrgııalyq qyzmetin, onkogematologııany damytý sharalary iske asyrylýda.

Estý qabiletin qalpyna keltirý boıynsha operasııalar jasalady. Qant dıabetiniń asqynýyn boldyrmaý úshin 2008 jyldan bastap jańadan anyqtalǵan naýqastar ınsýlın pompalarymen tegin qamtamasyz etiledi. Densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasy sheńberinde múgedekterge medısınalyq kómektiń qoljetimdiligi men sapasyn arttyrý sharalary kózdelgen.

«Memlekettik-jekemenshik áriptestik tetikterin tarta otyryp, elimizdiń 10 óńirinde balalardy ońaltý ortalyqtaryn ashý josparlanýda. Bul Almaty, Aqtóbe, Atyraý, ShQO, BQO, Qostanaı, Mańǵystaý, SQO, Túrkistan oblystarynda jáne Nur-Sultan qalasynda», — dep atap ótti mınıstr.

Qazaqstan Respýblıkasy Tuńǵysh Prezıdenti Qorynyń balalarǵa arnalǵan ońaltý ortalyqtary jelisin keńeıtýdegi rólin atap ótý qajet. Osy jyldyń sońyna deıin múmkindigi shekteýli balalarǵa arnalǵan 8 balalar ortalyǵy iske qosylady. 18 ońaltý ortalyǵynyń ashylýy 45 myńnan astam balany medısınalyq ońaltýmen qamtamasyz etýge múmkindik beredi.

«Osylaısha, mınıstrlik múgedek adamdarǵa medısınalyq kómektiń qoljetimdiligi men sapasyn arttyrý boıynsha keshendi sharalar qabyldaýda», — dep atap ótti A. Soı.

Sońǵy jańalyqtar

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Uqsas jańalyqtar