Oqıǵa • 03 Jeltoqsan, 2020

Qurysh shyńdalǵan qaladaǵy kezdesý

2 ret kórsetildi

Qaraǵandy oblysynda Qazaqstan Respýblıkasynyń Tuńǵysh Prezıdenti kúni túrli is-sharalar uıymdastyrylyp, mańyzdy mereke laıyqty deńgeıde atalyp ótti. Sondaı ıgi is-sharanyń biri Tuńǵysh Prezıdent – Elbasynyń eńbek otany Temirtaý qalasynda joǵary deńgeıde ótti. Kezdesýge Nursultan Nazar­baev­tyń seriktesteri, etnomádenı birlestikterdiń belsen­di­leri, qoǵam ókilderi qatysty. Epıdemııalyq jaǵdaıǵa baılanysty qatysýshylardyń kópshiligi qashyqtan onlaın rejiminde baılanys­ta boldy. Al qurmetti qonaqtardyń birazy Tuńǵysh Prezıdenttiń tarıhı-mádenı ortalyǵynda bas qosty.

Taǵylymy mol kezdesýde sóz sóılegen oblys ákimi Jeńis Qa­sym­bek Tuńǵysh Prezıdent kúni­niń barsha qazaqstandyqtar úshin aıtý­ly mereke ekenin erekshe atap ótti.

– Birinshi bolý qashanda qıyn, ári orasan zor jaýapkershilik. Nursultan Ábishuly Nazarbaev qazir­­gi zamanǵy jańa memlekettiń ne­gizin qalaýshy ǵana emes, ol naǵyz Elbasy Táýel­si­zdigimizdiń sımvolyna aınaldy. Hal­qymyz oǵan jańa Qazaqstandy jobalap, qurýdy senip tapsyrdy, – dedi ol.

Sonymen qatar óńir basshy­sy táýelsizdik jyldarynda ult­tyq damýdyń tabıǵı jolyn qal­py­na keltirý, mádenıetimiz ben tarıhymyzdy qaıtarý jáne saqtaý úshin kóp sharýa jasalǵanyn tilge tıek etti.

Bul rette Qazaqstan etnostyq áralýandylyqty artyqshylyqqa aınaldyra otyryp, óziniń ulttyq birliginiń biregeı standartyn jasaı aldy. Bul úderiste Qazaqstan halqy Assambleıasynyń basty ról atqaryp otyrǵanyna aıryqsha nazar aýdaryldy.

Kezdesý barysynda qonaqtar oblys teatrlarynyń ártisteri daıyndaǵan Táýelsiz memlekettiń Elbasynyń basshylyǵymen qalyp­tasýy men damýy týraly beıne­ro­lık­ti tamashalady.

Sonymen birge Tuńǵysh Pre­zıd­enttiń seriktesteri este­lik­te­ri­men bólisip, jınalǵandarǵa qy­zyq­ty da mazmundy oqıǵalardy aıtyp berdi. Temirtaýdyń Qur­met­ti azamaty, metallýrg Qýanysh Omashev Elbasynyń metallýrgııa ónerkásibin damytýǵa qosqan úlesi týraly pikirin bildirdi.

Eńbek ardageri, Temirtaýdyń Qurmetti azamaty Nına Vahıtova Temir­taýdyń damýyn tikeleı Elba­synyń eńbegimen baılanystyrady.

– Biz Nursultan Ábishulynyń arqa­synda qalamyzdyń bola­sha­ǵy bar dep esepteımiz. Tuńǵysh Prezı­den­timiz árqashan da adam­dar­ǵa degen iltıpatty kóz­qa­ra­sy­men erek­shelenetin. Ol qazaq­s­tan­dyq­tarǵa qamqorlyq kórse­týdi, ıgi ister jasaýdy jalǵas­ty­rýda, – dep syr aqtardy eńbek ardageri.

Kezdesýde bolashaq Tuńǵysh Prezıdent oqyǵan mektep týraly beınerolık kórsetilip, Elba­sy­nyń synyptasy Kúlásh Ámirova mekteptegi jyldar týra­ly qyzyq­ty estelikter aıtyp berdi.

Sondaı-aq kezdesýge qatysqan balalar úıiniń burynǵy túlegi Baqytgúl Ǵabdýllına óziniń ómiri­ne tikeleı qatysy bar jan tebi­ren­ter­lik oqıǵany baıandap berdi. Basynda baspanasy joq jetim qyz Elbasyna hat jol­dap, kómek su­ra­ǵan eken.  Onyń haty nazardan tys qalmaı, turǵyn úı máselesi ońynan  sheshi­lipti. Búgingi kúnde Baqytgúl Qab­dýl­lı­na tasy órge do­ma­laǵan kásipker jáne baqytty ana.

– Bul Tuńǵysh Prezıdenttiń dana saıasatynyń, bastamalary men baǵdarlamalarynyń, sondaı-aq árqaısysymyzdyń ómirimizge janashyrlyq tanytýynyń arqa­syn­da múmkin boldy. Birinshi jel­toqsan men úshin Nursultan Ábish­uly­na degen qurmet pen alǵystyń kúni, – dep tebirendi Baqytgúl.

Mazmundy jáne ǵıbratty jaǵ­daıda órbigen basqosýda ár­túrli mamandyq ıeleri men ur­paq ókil­deri Elbasyna arnalǵan alǵys sózderin aıtty. Ulytaý aýda­nynyń jas aqyny Muqaǵalı Seıt­qazy da óz shyǵarmasyn osy taqy­rypqa  arnady.

Kezdesýdiń sońy  Jezqazǵan balabaqshasy tárbıelenýshileriniń keshke jıylǵan qonaqtardy merekemen quttyqtap, óleń oqyp, syılyqtar usynýymen túıindeldi.

 

Qaraǵandy oblysy

 

Sońǵy jańalyqtar

Qazaqstanda urlyq sany eki esege azaıdy

Qazaqstan • Búgin, 17:15

Kann festıvali jazǵa shegerildi

О́ner • Búgin, 16:42

Prezıdent Alık Shpekbaevty qabyldady

Prezıdent • Búgin, 16:02

Uqsas jańalyqtar