N.Á.Nazarbaevtyń ıdeıasymen dúnıege kelgen súıikti astana búginde ótkenniń baı murasy men qazirgi zamannyń eń jaqsy jetistikterin úılestire otyryp, qarqyndy damyp kele jatqan Qazaqstannyń jarqyn beınesine aınaldy.
Fotokórmege áýesqoılarmen qosa, kásipqoı fotograftar da qatysty. Kópshiliktiń aldyna qoıylǵan jumystar baıqaý arqyly tańdaldy. «Súıikti astana» dep atalatyn ekspozısııaǵa elordaǵa degen súıispenshilikti kórsetetin, erekshe tásilmen túsirilgen úzdik kadrlar kirdi.
Nur-Sultan qalasynyń turǵyny Ásel Toqtarova fotokórmeden alǵan ádemi áserin bylaısha jetkizdi.
«Qazirgi kúni uıaly telefonnan bastap fotoapparatqa deıin sýretke túsirýdiń san túrli tehnıkalary bar. Barlyǵy fotosýrettiń ne ekenin umytqan. Is «avaǵa túsir» deýmen ǵana shekteledi. Atalmysh fotobaıqaý shyǵarmashylyqtyń mańyzdylyǵyn baıqatady. Álbette, jaǵymdy, pozıtıvti emosııalardy qalaımyz. Bizdiń Nur-Sultan – ádemi qala. Kórmege qoıylǵan sýretter sonyń aıqyn dáleli. Sýretterden ózgeshe áser alý úshin qanshama zeıin, ańǵarympazdyq qajet».
Elorda tarıhyna úńilgisi keletin kez kelgen adam kórmege baryp, súıikti astanamyzdaǵy ásem kósheler men aspanmen teńesken záýlim ǵımarattarǵa bir sát saıahattaı alady.
