Kıno týyndynyń kózdegen maqsaty – 2018 jyl Qazaqstandaǵy О́zbekstan jyly, al 2019 jyl О́zbekstandaǵy Qazaqstan jyly aıasynda elaralyq dostyq pen yntymaqtastyqty, túrki halyqtary arasyndaǵy baýyrlastyqty nasıhattaý eken.
Fılmge ózek bolǵan oqıǵa – ózbekstandyq Bahshıllo atty aqsaqal nemeresimen birge Qoja Ahmet Iаsaýı kesenesine zııarat etýge jolǵa shyǵyp, jol-jónekeı qazaqtyń qonaqjaılyǵy men baýyrmaldyǵy, eki halyqtyń bir-birine degen meıirimi jaıly áńgimelep, ákesi Abdýllanyń Sársen atty qazaqpen dostyǵy, ol ań aýlaý kezinde ákesin ólimnen qutqarǵany, Abdýlla men Sársen bir-birimen aınymas dos bolýǵa sertteskeni jaıly estelikter negizinde túzilgen.
Bahshıllo aqsaqal Qazaqstan shekarasyna kirgennen keıin baıyrǵy dosy Oralbaıdyń shańyraǵyna qonaq bolady. Dombyramen án aıtyp, syr shertisken soń Oralbaı dosy men nemeresine at-túıe mingizip, Túrkistanǵa shyǵaryp salady. Sóıtip jolǵa shyqqan ózbek aqsaqaly jol boıy nemeresi Anvarǵa Qoja Ahmet Iаsaýıdiń tarıhy hám Túrkistan jaıly qyzyqty áńgimeler aıtady. Bunyń bári kórkem sıýjet pen týyndyǵa ózek bolady.
Fılm sońynda, jolaýshylar Túrkistanǵa kelip, Iаsaýıge quran baǵyshtap, zııarat jasaıdy. Mamandardyń aıtýynsha, fılm qyzyqty oqıǵalarmen sabaqtastyrylǵan, mazmuny da tereń. Týyndy rejısseri Hılol Nasımovtyń aıtýynsha, kıno 2021 jyly jaryqqa shyǵady.
