Saıasat • 03 Jeltoqsan, 2020

Belsendiligi artyp keledi

13 ret kórsetildi

Azamattyq qoǵam tuǵyrnamasyn júzege asyrýda el óńirlerinde qurylǵan úkimettik emes uıymdardyń qatary jyl saıyn óse túsýde. Mundaǵy bas­ty ustanym azamattyq qoǵam men memleket arasyndaǵy baılanystardy tereńdetýge jáne ózara únqatysýlar men seriktestikti damytýǵa negizdelgen. Osy oraıda Oral óńirinde áleýmettik, ekonomıkalyq jáne qoǵamdyq mindetterdi júzege asyrýda ÚEU-nyń qosyp otyrǵan úlesi súbeli deýge bolady.

Olardyń sany sońǵy on jyldyń ishinde tórt ese kóbeıgen. Áıtse de aza­mattyq qoǵam qyzmetiniń basty kór­setkishi sannyń kóptigimen emes, keri­sinshe naqty jumys sapasyn kótere bilýimen jáne el-jurtty tolǵandyryp júrgen kókeıkesti máselelerdi sheshý kezindegi syndarly is-qımylymen erek­shelenetinin eskersek bul turǵyda da oń mysaldar az emes.

Úkimettik emes uıymdardyń memle­kettiń qoldaýyna arqa súıeıtini tabıǵı jaıt. Bul turǵyda Aqjaıyq aımaǵynda jergilikti atqarýshy organdar tarapynan azamattyq qoǵamdy damytýǵa baǵyttalǵan keshendi baǵdarlamalardy qarjylandyrýǵa jan-jaqty kóńil bólinýde. Qazirgi kezde bul baǵytta bólingen qarajat mólsheri 1 mlrd 300 mln teńgeni quraıdy. Munyń ózi onyń kólemi sońǵy segiz jylda on esege jýyq óskenin kórsetedi.

Osylaısha Oral óńirinde sońǵy jyldar bederinde azamattyq qoǵamǵa júktelgen san alýan máselelerdi jedel ári kásibı turǵyda sheshe bilýge qabiletti ÚEU qalyptasty desek shyndyqtan aýytqı qoımaspyz. Onyń qatarynda otbasy qundylyqtaryn saqtaý men dáripteý, aımaqtaǵy ýrbanızasııa úrdisin retteý, óńirdegi ekologııalyq proble­ma­lardyń sheshimin izdestirý jáne múm­kindigi shekteýli jandarǵa áleýmettik turǵydan qoldaý kórsetý sekildi san alýan jobalar bar.

Azamattyq qoǵam ınstıtýtynyń ókilderi turǵyndarǵa kórsetiletin qyzmettiń sapasyn baqylaý men ony budan ári jaqsartý jónindegi máselelerge de jedel ún qosyp otyr. Osy oraıda oblysta qurylǵan arnaıy monıtorıngtik toptyń róli joǵary. Onyń quramyna birqatar ÚEU-nyń jetekshileri, qoǵam janashyrlary men belgili blogerler jáne máslıhat depýtattary engizilgen. Osy sheńberdegi baqylaý arnalaryna abattandyrý úderisteri, jol qurylysy, áleýmettik nysandar shoǵyry men ózge de ınfraqurylymdyq júıeler kiredi. Atalǵan is-sharalar kesheni boıynsha «Aqjaıyq – adaldyq alańy» jobalyq keńsesi men birqatar qoǵamdyq keńester ilkimdi is-qımyl tanytyp júr. Onyń músheleriniń úshten ekisin ÚEU men BAQ jáne memlekettik uıymdardyń ókilderi quraıdy.

Batys Qazaqstan oblysyndaǵy Azamattyq alıans uıymynyń prezı­denti Svetlana Tenısheva atqarǵan isteri­niń jaı-kúıi týraly: «Búgingi kúni óńirdiń azamattyq sektory kókeıkesti máselelerdiń sheshimin tabýǵa qabiletti azamattyq birlestikterdiń berik júıe­sin quraıdy. Memlekettiń qýatty bolýy – myqty azamattyq qoǵamnyń qalyptasýyna da baılanysty ekeni anyq. Sońǵy ýaqytta belsendi azamattardyń áleýetin qoǵamdy odan ári damytýǵa tartý isiniń kókjıegi keńeıip keledi. Alıans qyzmetiniń basty arnasy da osyndaı asqaq murattarǵa negizdelgen. Bul rette respýblıkalyq Azamattyq alıans quramyna kirgen óńirdegi qoǵamdyq birlestikterdiń jetekshileri belsendi is-qımyl tanytyp júr», dedi.

Mine, osylaısha Oral óńirinde ÚEU belsendiligi jyl saıyn artyp keledi.

 

 

ORAL

Sońǵy jańalyqtar

Naýryz aıynda aýa raıy qandaı bolady?

Aýa raıy • Búgin, 13:30

Nur-Sultan «sary aımaqqa» qaıta endi

Koronavırýs • Búgin, 10:41

Qazaqstanda lombardtar jabylady

Ekonomıka • Búgin, 10:30

Shymkentte otbasylyq bıznes damyp keledi

Aımaqtar • Búgin, 09:53

Búgin 1 naýryz – Alǵys aıtý kúni

Rýhanııat • Búgin, 09:13

Bakýden ushqan bulbul

О́ner • Búgin, 06:57

Juptyq synda top jardy

Sport • Búgin, 06:55

Jambyl jyly jyrlaıdy

Rýhanııat • Búgin, 06:53

Alty medalmen oraldy

Sport • Búgin, 06:52

«Metallýrgpen» baq synaıdy

Sport • Búgin, 06:51

Balalar kitaphanasy jańartyldy

Ádebıet • Búgin, 06:50

Alǵys gımni shyrqaldy

Aımaqtar • Búgin, 06:48

Jelaıaqtar О́skemende saıysty

Sport • Búgin, 06:47

Jas balýandar beldesýi

Sport • Búgin, 06:46

Qysqy trıatlon jarysy ótti

Sport • Búgin, 06:44

Kitap-adamdar

Ádebıet • Búgin, 06:38

Rektor etalony

Rýhanııat • Búgin, 06:36

О́zgege uqsamaıtyn ómir

Rýhanııat • Búgin, 06:34

Abyz aqyndy Anadoly ulyqtady

Ádebıet • Búgin, 06:33

Jambyl murasy – ult rýhanııatynyń aınasy

Rýhanııat • Búgin, 06:31

Ǵasyrlyq shejiresi bar áýlet

Qoǵam • Búgin, 06:26

Kóńili darhan halyq

Qoǵam • Búgin, 06:17

Júregimiz – Qazaqstanda

Qoǵam • Búgin, 06:14

Boıymda qazaqylyq bar

Qoǵam • Búgin, 06:13

Álemde balamasy joq biregeı teatr

Teatr • Búgin, 06:11

Uqsas jańalyqtar