Qazaqstan • 03 Jeltoqsan, 2020

Syrtqy ister mınıstri EQYU SIMK-ne qatysty

451 ret

kórsetildi

1 mın

oqý úshin

Eýropadaǵy qaýipsizdik jáne yntymaqtastyq uıymyna qatysýshy memleketterdiń Syrtqy ister mınıstrleri keńesiniń (EQYU SIMK) 27-shi otyrysy alǵash ret beınekonferensııa formatynda óz jumysyn bastap, 57 eldiń syrtqy saıası vedomstvo basshylarynyń qatysýymen ótip jatyr, dep habarlaıdy Egemen.kz

Aıym DÁÝIT

Syrtqy ister mınıstri EQYU SIMK-ne qatysty

Otyrystyń kún tártibine Albanııanyń tóraǵalyǵymen ótken Uıymnyń aǵymdaǵy jyldaǵy jumysynyń qorytyndylary jáne EQYU keńistigindegi geosaıası ahýaldyń ózekti máselelerin talqylaý kirdi.

Qazaqstan delegasııasyn Syrtqy ister mınıstri Muhtar Tileýberdi basqardy. Otyrystyń mańyzdy máseleleriniń biri EQYU jańa basshylaryn – Bas hatshyny, DIAQB Basshysyn, Az ulttar isteri jónindegi Joǵarǵy komıssardy jáne BAQ máseleleri jónindegi ókildi saılaý boldy.

Mınıstr M.Tileýberdi óz sózinde QR Prezıdenti Q.Toqaevtyń saıası jáne áleýmettik-ekonomıkalyq reformalary týraly habardar etti. Ol sonymen qatar 2021 jylǵy 10 qańtarda ótetin QR Parlamenti Májilisiniń saılaýyna daıyndyq týraly habarlady.

EQYU Astana Sammıtiniń 10 jyldyǵyn atap ótip, M.Tileýberdi ortaq eýrazııalyq jáne eýroatlantıkalyq qaýipsizdik keńistigin qalyptastyrý úshin kúsh-jigerdi birlesip salýǵa shaqyrdy.