Ol karantın ýaqytynda qol qýsyryp otyrmaı, ǵalamtor arqyly eshki sútinen ne jasaýǵa bolatynyn izdengen. Sóıtip, úsh aı onlaın semınarǵa qatysyp, sabyn jasaýdyń ádisin úırenip shyqqan. Búldirshinderdi qyzyqtyrý úshin salmaǵy 80 gramm bolatyn balalar sabynyn oıynshyqqa uqsatyp ázirlepti. Qazir úlkenderge arnalǵan sabyn – 700, balalarǵa arnalǵan sabyn 500 teńgeden satylýda.
"Bul kásipke kelýimniń ózindik sebebi bar. Men Almatydaǵy, Tarazdaǵy joǵary oqý oryndarynda sabaq berdim. Tipti Nur-Sultan qalasynda da laýazymdy qyzmet atqardym. Alaıda aıaq astynan aýyryp, ınsýlt alyp qaldym. Sol keselimnen eshkiniń sútin iship emdelip, táýir bolǵan soń osy kásipke bet burdym", dedi Kenjebek.
Tipti esiginiń aldynan satyp alyp ketetinder da bar eken. Úıinen qurt, irimshik, súzbe úzilmeıdi. Ol byltyr "Atameken" kásipkerlik palatasynan 4 mln teńge nesıe alyp, 20 asyl tuqymdy eshki satyp alǵan. Bıyl sol eshkiler alpysqa jetipti. 6 paıyzben alǵan nesıesin 5 jyl ishinde qaıtarady. Qazir Kenjebek ózge áriptesterimen birge asyl tuqymdy eshkige sýbsıdııa tólense degen máseleni kóterip júr.
"Eshki sútiniń ózi – em. Al men oǵan neshe túrli paıdaly qospa maılar qosamyn. Bul sabyndy qolyńa jaǵyp, 4-5 mınýttan soń ǵana jýý qajet. Bet jarylǵanda jaqsań, birden áser etedi. Esh hımııalyq qospasy joq. Taza tabıǵı ónim, baǵasy da soǵan laıyq. Osylaısha eshki sútinen sabyn jasaýǵa qol jetkizip otyrmyz. Memleketten qoldaý bolsa, eshki ósirýmen aınalysqysy keletin jastardy tárbıeler edim", deıdi K.Seıdahmetov.
Qazir sharýanyń qorasynda gollandııalyq "Zannın", pákistandyq "Bıttal" tuqymdy etti jáne sútti eshkiler ósýde. Táýligine 25 lıtr sút beretin "Bıttal" tuqymdy bir eshkiniń quny – 1,5 myń dollar nemese 600 myń teńge shamasynda. Al, "Zannın" táýligine 5 lıtr sút beredi. Eshki sútiniń bir lıtri – 400 teńge.
"Ispanııadan ákelingen asyl tuqymdy eshkilerim de bar. Bul eshkiniń quny – 370 myń teńge. Mal azyǵyna ketetin shyǵyn kóp emes. Máselen, alpys eshkiniń alty aı qystan shyǵýyna 500 túk jońyshqa, 3 tonna bıdaı jetip jatyr. Jylyna 3-4 márte tóldeıtin "Romanskıı", aýǵanstandyq "Vagır" tuqymdy qoılardy da ósirýdemiz. "Vagır" tuqymdy eki aılyq qozy 200 myń teńge turady. Baby kelisse, bul qoıdyń eti 145 kılogramm tartady", deıdi sharýa.
