Sol kúni ótken brıfıngte T.A.Gebrııesýs vaksına jasaý salasyndaǵy progress kóńilge qýanysh uıalatatynyn atap ótti. Alaıda DDU-ny COVID-19 pandemııasy áli aıaqtalmaǵany, kóptegen aımaqtarda vırýstyń óte joǵary taralý qarqyny bar ekeni alańdatyp otyr. Aýrýhanalar, jan saqtaý bólimderi men medısına qyzmetkerleri áli kúnge deıin pandemııanyń saldarymen betpe-bet qalyp otyr. Vaksınalar jasalǵannan keıin de, onyń aıtýynsha, álemdik qaýipsizdikti qamtamasyz etý úshin sanıtarlyq normalar saqtalýy kerek.
Jaqyn arada memleket basshylary men azamattar qabyldaıtyn sheshimder vırýstyń qysqa merzimde qalaı áreket etetinine jáne pandemııa aıaqtalǵan kezde sheshýshi áser etedi.
DDU basshysy aıtyp ótkendeı, vaksınalardyń búkil álemge taralýy óte mańyzdy. Ol birinshi kezekte medısınalyq jáne áleýmettik qyzmetkerlerge vaksınanyń jetkilikti mólsherin usyný kerektigin atap ótti.
Vaksınalardy jetkizýdi, óndirýdi, tasymaldaýdy jáne qarjylandyrýdy qamtamasyz etýden basqa, ol álemniń kóshbasshylaryn vaksınasııanyń mańyzdylyǵy týraly halyqqa túsindirýge shaqyrdy.
