Ekonomıkalyq dıplomatııany ilgeriletý aıasynda Qazaqstannyń Fransııadaǵy Elshiligi fransýz ınvestorlaryna elimizdiń aımaqtarynyń prezentasııalary toptamasyn ótkizý bastamasyn kóterdi.
Beınekonferensııa formatyndaǵy alǵashqy osyndaı kezdesý Nur-Sultan qalasynyń ákimdigi men MEDEF qaýymdastyǵyna múshe – fransýz kompanııalary arasynda ótti.
Onlaın is-shara Qazaqstan-Fransııa iskerı keńesiniń teń tóraǵalary Aıdan Káribjanov pen Iv-Lýı Darrıkarrerdiń, Qazaqstan Elshisi Jan Ǵalıevtiń, Nur-Sultan qalasy ákiminiń orynbasary Malıka Bekturovanyń, sondaı-aq "Astana Invest" jáne "Astana Innovations" kompanııalary ókilderiniń qatysýymen ótti.
О́z baıandamasynda M. Bekturova qalalyq ınfraqurylymnyń jaǵdaıy men bolashaǵy, sondaı-aq sheteldik ınvestorlarmen jáne seriktestermen ózara árekettesý mehanızmderi týraly egjeı-tegjeıli aqparat berdi.
Fransýz kompanııalarynyń ókilderi ózderin qyzyqtyrǵan birqatar suraqtar qoıyp, tolyqqandy jaýaptar ala aldy. Atap aıtqanda, olardy ınfraqurylym men kólikti damytý, ekologııany jaqsartý jáne qorshaǵan ortany qorǵaý, sondaı-aq sıfrlandyrý jobalaryna qatysý múmkindikteri qyzyqtyrdy. Fransýz seriktester usynylǵan aqparattyń joǵary sapasy men ózektiligin atap ótti. Kezdesýge qatysýshylar birlesken jobalar boıynsha júzbe-júz talqylaý ótkizý úshin sanıtarlyq kedergilerdiń tezirek alynatynyna úmit bildirdi
