"LRT boıynsha kóptegen máseleler bar. Munyń óte kúrdeli joba ekenin bilesizder. Joba birneshe jyl buryn bastaldy, kóptegen ınjenerlik jeliler tartyldy, qyrýar qarajat jumsalǵany túsinikti. Qıyndyqtar "Astana banki" lısenzııasynan aıyrylǵan kezde týyndady. Endi bul qomaqty kapıtaldy qajet etetin joba. Sondyqtan qazir pandemııa kezinde banktermen jumys ýaqytsha toqtatyldy, biraq bastapqy ıdeıa – qala ósip, jolaýshylar kóliginiń qosymsha túrlerin engizý qajettigi edi. Iá, shynymen de keıbir problemalar boldy. Qazir quqyq qorǵaý organdary tarapynan da sot tergeý jumystary júrip jatyr. Sondyqtan LRT – ońaı sharýa emes", - dedi Altaı Kólginov.
Ákim BJZQ men Ulttyq qordyń qarajatyn jobaǵa tartý máselesi qaralmaıtynyn aıtty.
"Zeınetaqy qorynan da, Ulttyq qordan da qarajat tartý máselesi qaralmaǵan jáne qaralmaıdy. Bastapqyda alǵashqy ınvestısııalyq qarajat Qytaı damý bankinen alyndy. Bul – syrttan tartylǵan qarajat. Sondyqtan olar valıýtada qarastyrylǵan", - dep túsindirdi A. Kólginov.
