"Aǵyndy sýdy tazartýǵa arnalǵan jabdyqtar joq, ózenniń qatty lastanýy baıqalady. Aǵyzý Baıbaqty ózeniniń arnasyna tazartýsyz júzege asyrylǵan. Topyraq synamalarynyń hımııalyq taldaýy 26 myńnan asa sharshy metr alańda lastaýshy zattardyń konsentrasııasynyń artýyn kórsetti. Sonymen qatar 40 myń bas shoshqaǵa arnalǵan mal sharýashylyǵy kesheninde 51 myńnan astam bas bolǵan", delingen habarlamada.
Departament anyqtalǵan ekologııalyq zańnamany buzǵany úshin kásiporynǵa qatysty 11 ákimshilik is qozǵady. Sondaı-aq suratylǵan málimetterdi berýge kedergi keltirgeni úshin 3 ákimshilik hattama toltyryldy.
Atalǵan fakt boıynsha qylmystyq is qozǵaldy. Qazirgi ýaqytta kásiporynnyń qorshaǵan ortaǵa keltirgen zalaldarynyń somasy eseptelip jatyr.
Eske salaıyq, 19 qarashada Bestamaq aýylynyń 80-nen astam turǵyny shoshqa fermasyn jabýdy talap etip, narazylyqqa shyqqan bolatyn. Taralǵan vıdeoǵa qaraǵanda, turǵyndardyń kásiporyndy jabýdy talap etkenin ańǵarýǵa bolady. Olardyń aıtýynsha, shoshqa qaldyǵy ózen sýyna aǵyp jatyr. Taǵy bir vıdeodan jol talǵamaıtyn kólik narazy toptan qashyp, qaqpany qıratyp ótkenin kórýge bolady.
Sodan keıin Bestamaqqa ákimdiginiń ekologtary, sanepıdbaqylaý qyzmetkerleri shyqty. Komıssııa qurylyp, oǵan aýyl turǵyndary da kirdi, tekserý bastaldy.
