2020 jyldyń qańtar-qazan aılary aralyǵynda elimizde quny 109,6 mıllıard teńge bolatyn negizgi farmasevtıkalyq ónimder óndirilgen.
Bul 2019 jylmen salystyrǵanda 44,7 paıyzǵa joǵary kórsetkish. Energyprom.kz zertteýinshe, óndiristiń basym bóligi (81,2 paıyz) úsh aımaqta júrgiziledi: Shymkentte (40,8 mlrd teńge, byltyrmen salystyrǵanda 52,1 paıyzǵa kóp), Almaty oblysynda (25,1 mlrd teńge) jáne Almatyda (23,1 mlrd teńge).
Sondaı-aq elge jalpy quny 868,4 mln dollar bolatyn 23,1 myń tonna medıkamentter ákelingen. TMD elderinen 117,3 mln dollarǵa 11,4 myń tonna medıkament alynǵan.
Medıkamentterdi bizge eksporttaýshy elder – Reseı, Belarýs jáne О́zbekstan. О́zge elderden Qazaqstan 751,1 mln dollarǵa 11,6 myń tonna medıkament ımporttaǵan. Onyń ishinde Qytaı, Úndistan, Germanııa elderi bar.
Júrgizilgen zertteý boıynsha 2020 jyldyń qarasha aıynda farmasevtıkalyq preparattar 2019 jyldyń qarashasymen salystyrǵanda 9,7 paıyzǵa qymbattaǵan. Preparattar ishinde ásirese antıseptık (33,2 paıyzǵa), qyzý túsiretin dáriler (16,3), búırek dárileri (11,5), antıbıotıkter (10) baǵasy kóterilgen. Gıstamınge, allergııa qarsy dárilerdiń baǵasy arzandaǵan. Biraq kóp emes, bir jyl ishinde nebári 0,4 paıyzǵa ǵana.
