Ortalyq saılaý komıssııasynyń otyrysynan keıin ótken baspasóz máslıhatynda Konstantın Petrov: "Translıasııaǵa salynatyn tyıymǵa qatysty aıtar bolsaq, bul másele qazirgi ýaqytta áleýmettik jelide qyzý talqylanyp jatyr. Shyntýaıtynda, biz translıasııaǵa shekteý qoıatyn eshqandaı qaýly shyǵarǵan joqpyz. Saılaý ýchaskesinen translıasııany júrgizýge BAQ quqyly. Buryn solaı bolǵan, búgin de solaı bolyp qala bermek. Biz jaǵdaıdyń mán-jaıyn túsindirsek deımiz. Qazirgi zańnama talaptaryna sáıkes, kedergisiz túsirýge bolady. Iаǵnı ulttyq baıqaýshylar kedergisiz túsirilim júrgizedi, tek eki shekteý bar – daýys berýdiń qupııalylyǵy men jeke málimetter saqtalýy tıis. Qalǵan eshqandaı shekteý joq", dep aıtyp ótti.
Ol sonymen qatar túsirilgen vıdeony baıqaýshylardyń taratý máselesine qatysty pikir bildirdi.
"Kontentti taratý jónindegi baıqaýshylardyń quzyretine keler bolsaq, ol zańda qarastyrylmaǵan. Biz baıqaýshylardyń saılaý ýchaskesinde vıdeotranslıasııa júrgizýine árdaıym qarsy shyǵyp keldik. Ortalyq saılaý komıssııasynyń bul baǵyttaǵy pozısııasy esh ózgergen joq", dedi Konstantın Petrov.
Aıta ketsek, buǵan deıin Ortalyq saılaý komıssııasynyń múshesi Serik Sydyqov saılaý ýchaskelerinde beınetranslıasııa júrgizý zańnamada qarastyrylmaǵanyn málim etken edi.
