Aıta ketý kerek, túzetý qujattar paketin tolyq toltyrmaǵan ótinish berýshilerge kerek boldy. Olar SMS habarlama aldy. О́tinish berýshiler aqparatty jeke kabıneti arqyly 12 jeltoqsanǵa deıin tolyqtyra alady.
Jalpy, qujattardy qabyldaý kezinde 5463 ótinish kelip tústi, onyń 1507-si qabyldanbady. Jastarǵa arnalǵan satyp alý quqyǵynsyz baǵdarlamasy boıynsha baspana alýshylar 30 jeltoqsanǵa deıin anyqtalady. Olardyń esimderi zhilfond.kz saıtynda jarııalanady.
Eske salaıyq, baǵdarlamanyń talaptaryna sáıkes, sońǵy eki jylda menshik quqyǵynda turǵyn úıi joq, 29 jasqa deıingi Qazaqstan azamattary osy baǵyt boıynsha jalǵa beriletin turǵyn úı alýǵa ótinish bere alady. Sonymen qatar, erli-zaıyptylar men balalardyń múlki bolmaýy kerek. Sońǵy eki jylda úzilissiz turaqty tirkeýde turýy qajet.
Sondaı-aq, ótinish berýshilerdiń resmı kirisi 40 AEK nemese sońǵy alty aıda 111 120 teńgeni quraýy kerek.
Baǵdarlama boıynsha barlyǵy bir bólmeli 350 jaldamaly páter berý josparlanyp otyr. Úıler R.Qoshqarbaev dańǵyly men Qordaı dańǵylynyń qıylysynda, sondaı-aq Abylaı han jáne B.Momyshuly dańǵylynda ornalasqan. Turǵyn úıdiń aýdany 31-den 47 sharshy metrge deıin. Aı saıynǵy jaldaý aqysy 5000-nan 15000 teńgege deıin bolady. Jalǵa alý merzimi - bes jyl.
Osy baǵdarlamaǵa qatysty barlyq suraqtar boıynsha 109 baılanys ortalyǵyna habarlasýǵa bolady.
