Agenttiktiń habarlaýynsha, 2021 jyly jahandyq munaı-gaz sektorynyń perspektıvasy meılinshe turaqty bolady.
«2021 jyly munaı baǵasy az ǵana ósedi jáne bul óndirýshi kompanııalardyń kapıtaldyq salymdaryn shekteýine alyp keledi. Bul munaı servısi sektoryna jáne midstream segmentine (saqtaý jáne tasymaldaý) keri áserin tıgizedi. Bul ýaqytta munaıǵa degen suranys artady, biraq daǵdarysqa deıingi deńgeıine qaıta shyǵa almaıdy», - delingen Moody's saraptamasynda.
Boljam boıynsha munaı baǵasy barreline 40-45 dollar deńgeıinde bolady. WTI munaıy barreline 40-60 dollar kóleminde qubylady.
Osyǵan deıin OPEK+ elderi 2021 jyldyń 1 qańtarynan bastap munaı óndirisin 0,5 mln barrelge deıin arttyrýǵa kelisken bolatyn. Mamandar osy kelisimnen soń Brent markaly munaı baǵasy qaıta kóteriledi dep boljam aıtqan.
Al AQSh energetıka mınıstrliginiń boljamynsha, 2021 jyly Brent-tiń ortasha baǵasy barreline 48,5 dollar bolmaq.
AQSh energetıka mınıstrligi energetıkalyq aqparat basqarmasy 2021 jyldyń I toqsanynda Brent markaly munaıdyń ortasha baǵasy 47 dollar bolady, al tórtinshi toqsanǵa qaraı barreline 50 dollarǵa deıin kóteriledi. Bul Qazaqstannyń da makroekonomıkalyq jáne qarjylyq kórsetkishteriniń qalpyna kelýi jolyndaǵy mańyzdy faktor bolyp sanalady», dep jazady telegramdaǵy Tengenomika kanaly.
