Ony Facebook áleýmettik jelisiniń qatysýshylary da tikeleı efırde kórip, suraqtar berýge de múmkindikteri boldy. Bastyqtyń esebi boıynsha bıyl SQO tirkelgen qylmys sany byltyrǵydan qaraǵanda 23 paıyzǵa azaıyp, 6007-den 4646-ǵa túsken. Sonyń ishinde kisi óltirý, dene jaraqatyn salý, tonaý, urlyq jáne aqsha talap etý sııaqty qylmystar sany azaıǵan. Esesine ınternet alaıaqtyq sııaqty qylmys sany artqan. Sonymen birge jol-kólik oqıǵalary da azaımaı otyr.
Baıandamada mas bolýshylardyń qylmysty jolǵa túsýiniń aldyn alý maqsatymen júrgizilgen reıdterdiń arqasynda 9420 buzýshylyq quryqtalǵan. Zańsyz aınalymnan bir myń lıtrden artyq alkogol ónimderi tárkilengen. Sonymen qatar olardy satýdyń 187 faktysy anyqtalǵan.
"Biz óz tarapymyzdan alkogoldiń zańsyz aınalymyna qarsy kúresti úzdiksiz júrgizemiz. Bul iste halyqtyń qyraǵylyǵyna da muqtajbyz. О́ziniń ortasy zań buzbaýyn tileıtin azamattar bul iste bizge qolǵabys berýleri kerek", dedi M.Tólebaev.
Onyń aıtýynsha, polısııa qyzmetkerleriniń ishki quramyndaǵy zań buzýshylyqtar da tys qalǵan joq. Jyl basynan beri alpystan artyq túrli bólinis basshylary jaýapkershilikke tartylypty, al 21 qyzmetker jaǵymsyz qylyqtary úshin qyzmetterinen qýylǵan. Baıandamada basqa da qylmystardyń jaı-japsary aıtyldy.
