«Tólem quralynyń belgilengen kóleminiń keminde 70 paıyzyn saqtap qalǵan banknot pen moneta kúmándi bolyp sanalady. Bul sanatqa búlingen jáne burmalanǵan banknottar da kiredi. Olardyń túpnusqa ekenin anyqtaý qıyn. Eger banknot Ulttyq bank belgilegen banknot talabynyń 50 paıyzdan astamyn saqtasa, mundaı kýpıýrany QUB fılıaldary túpnusqalyǵy men tólemdiligin anyqtaý úshin saraptamaǵa qabyldaıdy. Saraptama túpnusqa dep tanyǵan banknottardy paıdalanýǵa bolady», deıdi ol.
Ashat Ábishev bul tekseris úshin adamnan qosymsha aqsha alynbaıtynyn atap ótti. Onyń aıýynsha, osy jyldyń 11 aıynda Ulttyq bank saraptamaǵa 1727 kúmándi banknot pen monetany qabyldaǵan. Sonyń ishinde 972 banknot pen moneta jaramdy banknotqa aıyrbastalǵan.
«Ulttyq banktiń barlyq fılıaly Qazaqstan aýmaǵynda qoldanysta júrgen jáne zańdy tólem quraly bolyp sanalatyn ulttyq valıýtanyń tólem banknoty men monetasyn belgilengen quny boıynsha qabyldaıdy», deıdi Ábishev.
