Keshe elordadaǵy K.Baıseıitova atyndaǵy ulttyq opera jáne balet teatrynda Astana qalasy ákimdiginiń uıymdastyrýymen elimizdiń Táýelsizdik kúni merekesine arnalǵan «Azattyqqa jettik biz» atty ádebı-sazdy kesh ótti.
Keshe elordadaǵy K.Baıseıitova atyndaǵy ulttyq opera jáne balet teatrynda Astana qalasy ákimdiginiń uıymdastyrýymen elimizdiń Táýelsizdik kúni merekesine arnalǵan «Azattyqqa jettik biz» atty ádebı-sazdy kesh ótti.
Ádebı-sazdy kesh Alash qozǵalysyna arnalǵan arnaıy fılmniń kórsetilimimen bastaldy. Semeıden arnaıy kelgen belgili ánshi-kompozıtor Tursynǵazy Rahımov óz ánderin tyńdarmandaryna tartý etse, Q.Qýanyshbaev atyndaǵy akademııalyq drama teatrynyń ártisteri ana tilimizge qatysty kórinis qoıyp, kórermender kózaıymyna aınaldy. Marjan Arapbaeva, Ásem Omarova syndy ánshiler shyrqaǵan ánder de tyńdarmanyn tamsantpaı qoımady.
«Sharanyń basty maqsaty – táýelsizdik qundylyqtaryn ulyqtaý, óskeleń urpaqty otansúıgishtikke baýlý. Sonymen birge, ana tilimizdiń mártebesin kóterip, mereıin asyrý», – deıdi keshti uıymdastyrýshylar.
Shara sońynda sóz alǵan Astana qalasy Tilderdi damytý basqarmasynyń basshysy Erbol Tileshev Alash arystary jaıly áńgimelep, búgingi Táýelsizdigimizge jetýge olardyń sińirgen eńbekteri erekshe ekendigin basa aıtty. Sondaı-aq, ol ana tilimizdiń abyroıy úshin aıanbaı eńbek sińirip júrgen bir top til janashyrlaryna elorda ákiminiń alǵys hattaryn tabys etti.
Ábdirahman QYDYRBEK,
«Egemen Qazaqstan».
Sýrette: ánshi-sazger Tursynǵazy Rahımov.Sýretti túsirgen Sultan SEIITOV.
