Elbasy N.Á.Nazarbaevtyń 2012 jylǵy 27 qańtardaǵy «Áleýmettik-ekonomıkalyq jańǵyrtý – Qazaqstan damýynyń basty baǵyty» Joldaýynda berilgen tapsyrmany oryndaý maqsatynda «О́rleý» biliktilikti arttyrý ulttyq ortalyǵy» aksıonerlik qoǵamy qurylǵan bolatyn.
Elbasy N.Á.Nazarbaevtyń 2012 jylǵy 27 qańtardaǵy «Áleýmettik-ekonomıkalyq jańǵyrtý – Qazaqstan damýynyń basty baǵyty» Joldaýynda berilgen tapsyrmany oryndaý maqsatynda «О́rleý» biliktilikti arttyrý ulttyq ortalyǵy» aksıonerlik qoǵamy qurylǵan bolatyn.
Ortalyq qurylǵannan bergi bir jylda fılıaldardy qarjylandyrý kólemi birneshe esege artyp, materıaldyq-tehnıkalyq baza túgeldeı jańartyldy, kadrlyq áleýeti kúsheıtildi. Osy ýaqyt ishinde «О́rleý» fılıaldary ózara tájirıbe almasyp, ortaq strategııalyq damý baǵdarlaryn aıqyndaýǵa, sol arqyly pedagogtardyń biliktiligin arttyrý júıesin jetildirdi.
Tájirıbeli ustaz, pedagogıka ǵylymdarynyń doktory, professor G.Ahmetova jetekshilik etetin «О́rleý» AQ ortamerzimdik perspektıvalardy anyqtaý maqsatynda «Bilim týraly» Zańnyń jáne bilim berýdi damytýdyń memlekettik baǵdarlamasy qaǵıdattaryna sáıkes, 2012-2016 jyldarǵa arnalǵan strategııalyq is-qımyl josparyn jasady. Al ortalyqtyń Qaraǵandy fılıaly óz qyzmetin osy josparǵa baılanysty uıymdastyryp otyr.
«О́rleý» AQ fılıaly, bolyp tabylatyn Qaraǵandy oblysy boıynsha pedagogıkalyq qyzmetkerlerdiń biliktiligin arttyrý ınstıtýty memlekettik tapsyrys boıynsha úsh baǵytta pedagogtardyń biliktiligin arttyrady: Olar – eki aptalyq qysqa merzimdi, Kembrıdj ýnıversıtetiniń qatysýymen jasalǵan deńgeılik, elektrondyq oqytý júıesin (E-learning) engizý boıynsha pedagogtardyń biliktilikti arttyrý kýrstary.
Búgingi tańda oqytýshylardyń 28%-y ǵylymı dárejeli mamandar (onyń ishinde 1 ǵylym doktory, 11 ǵylym kandıdaty, 3 dosent). Mamandarymyzǵa únemi biliktilikti arttyrý kýrstarynan ótip, túrli ǵylymı konferensııalar men semınarlarǵa, vebınarlarǵa qatysý arqyly kásibı jáne tulǵalyq damýy úshin qajetti jaǵdaı jasalyp otyr. Keıingi jarty jyldyń ishinde fılıaldyń 40-tan astam oqytýshysy men qyzmetkeri halyqaralyq konferensııalarǵa, semınarlarǵa qatysty. Al eki oqytýshy sheteldiń (Ońtústik Koreıa, Sıngapýr), 25-i Qazaqstannyń (Astana, Almaty, Aqtóbe, Kókshetaý, Qostanaı qalalary) ǵylymı, bilim berý ortalyqtarynda taǵylymdamadan ótti. Jyl aıaǵyna deıin taǵy 13 oqytýshy Anglııanyń, Fransııanyń, Reseıdiń, Ońtústik Koreıanyń jáne Avstralııanyń jetekshi bilim berý uıymdarynda biliktilikterin jetildirmek. 12 jas mamannyń bıylǵy jyly magıstratýra arqyly bilimin jalǵastyrýǵa múmkindik alýy – olardyń óz kásibı deńgeıin ósirýge múddeli ekendigin kórsetedi.
Muǵalimderdi ómir aǵymynan qaldyrmaı, qoǵam suranysyna sáıkes bilimin jetildiretin «О́rleý» AQ men onyń fılıaly – Qaraǵandy ınstıtýtynda Elbasy joldaýlarynda aıtylǵan tapsyrmalar men Qazaqstan Respýblıkasynda bilim berýdi damytýdyń 2011-2020 jyldarǵa arnalǵan memlekettik baǵdarlamasynyń negizgi basymdyqtaryn júzege asyrýda jasalyp jatqan jumystardyń bir parasy osyndaı.
Sáýlesh MUQANOVA,
«О́rleý» AQ fılıaly – Qaraǵandy oblysy boıynsha pedagogıkalyq qyzmetkerlerdiń biliktiligin arttyrý ınstıtýtynyń dırektory, pedagogıka ǵylymdarynyń doktory, professor,
Aıdos MUQATAEV,
dırektordyń orynbasary,
pedagogıka ǵylymdarynyń
kandıdaty, dosent.
