Atqarylǵan jumys aıtarlyqtaı

Keshe Astanada EKSPO-2017 Búkilálemdik mamandandyrylǵan kórmesin ótkizýge daıyndyq barysy boıynsha bir jyl ishinde atqarylǵan jumys qorytyndysy týraly baspasóz máslıhaty bolyp ótti. Oǵan EKSPO-2017 Búkilálemdik mamandandyrylǵan kórmesiniń komıssary, Syrtqy ister mınıstriniń birinshi orynbasary Rápil Joshybaev jáne «Astana EKSPO-2017» UK» AQ basqarma tóraǵasy Talǵat Ermegııaev qatysty.

Keshe Astanada EKSPO-2017 Búkilálemdik mamandandyrylǵan kórmesin ótkizýge daıyndyq barysy boıynsha bir jyl ishinde atqarylǵan jumys qorytyndysy týraly baspasóz máslıhaty bolyp ótti. Oǵan EKSPO-2017 Búkilálemdik mamandandyrylǵan kórmesiniń komıssary, Syrtqy ister mınıstriniń birinshi orynbasary Rápil Joshybaev jáne «Astana EKSPO-2017» UK» AQ basqarma tóraǵasy Talǵat Ermegııaev qatysty.

Búgingi baspasóz máslıhatyn ótkizýge sebep bolyp otyrǵan basty másele, jaqynda Parıjde Halyqaralyq kórmeler bıýrosy (HKB) bas assambleıasynyń 154-shi sessııasy bolyp ótti. Qazaqstan osy sessııaǵa Asta­nada ótetin EKSPO-2017-niń qu­jattaryn tapsyrdy. 2014 jyl­dyń maýsymynda osy qujattar boıynsha HKB-da arnaýly tirkeý ótkiziledi. Tirkeýden ótkennen keıin bizdiń elimizge kórme ótkizý jónindegi EKSPO-2017-niń arnaýly týy tapsyrylady. Tek sodan keıin ǵana Qazaqstan sheteldermen tikeleı baılanystarǵa shyǵyp, EKSPO-2017 kórmesin ótkizý sharalaryn is júzine asyra bastaıdy. Baspasóz máslı­ha­tynda BAQ ókilderi EKSPO-2017 daıyndyq barysynda bir jyl ishinde atqarylǵan jumystarmen jan-jaqty tanysty.

Qazirgi tańda EKSPO-2017 kór­mesine daıyndyq júrgizý úshin arnaıy on jumys shtaby qu­rylǵan. «Astana EKSPO-2017» UK» AQ janynda kórme obek­ti­lerin salý jáne onyń ınfra­qu­ry­lymyn damytý shtaby ju­mys isteıdi. Sonymen birge, qa­la ınfraqurylymyn damy­tý já­ne jańa nysandardy salý jó­nin­degi shtab quryldy. Bul shtab qalalyq ákimdikte qurylǵan «EKSPO-2017» kórmesine daıyn­dyq júrgizý jáne ony ótkizý dı­reksııasy» JShS-na qa­raıdy. Al balama energııa kóz­derin paıdalaný, damytý já­ne ınvestısııa tartý, týrızm ın­fra­qurylymyn damytý baǵy­tyndaǵy jumystar Indýstrııa jáne jańa tehnologııalar mı­nıstrligi janynan qurylǵan shtab­qa júktelgen.

Astanada ótetin kórmege she­telderdi tartý máselesi boıynsha arnaıy jumys toby quryldy. Bul toptyń negizgi mindeti – shet memleketterde Qazaqstan ımıd­jin qalyptastyrý, týrızmdi damytý jáne jergilikti jerden kelgen qonaqtardy kórmege tartý, olarmen jumys júrgizý bolyp tabylady, dedi R.Joshybaev óz sózinde. Belgilengen osy sha­ralar aıasynda jyl ishinde «Astana EKSPO-2017» kórmesi Avs­trııada, Ulybrıtanııada, Ger­manııada, Italııada, Qytaıda, Latvııada, Ońtústik Koreıada, Fransııada tanystyryldy.

«Astana EKSPO-2017» UK» AQ basqarma tóraǵasy Talǵat Er­megııaev, 2014 jyldyń jazynda kórmeniń qurylysyn bastaımyz. Árıne, alda turǵan mindetter úlken, jaýapkershilik zor. Osy rette aıtarym EKSPO-2017 – ulttyq joba bolǵandyqtan qazaq­standyq azamattardyń daıyndyq jumystaryna belsendilik tanytyp, bilek sybana aralasýy Halyqaralyq kórmeniń sátti ótýiniń kepili bolsa kerek. Biz óz kezegimizde EKSPO-2017  kórmesi men qazaq elin búkil álemge jo­ǵary deńgeıde kórsetýge bar kúsh-jigerimizdi salamyz, dep atap kórsetti.

Kelesi jyly EKSPO-2017 kórmesi HKB-nyń arnaýly tir­keýi­nen ótkennen keıin kórme qala­shy­ǵynda qurylys ju­mystary jan-jaqty júrgizile bas­taıdy. Úsh jyl ishinde bul aýmaqta 1 mıllıon sharshy metr­den astam qurylys nysanda­ry salynýǵa tıis. Kórme qalashy­ǵy­nyń eskız jobasy boıynsha baıqaýdyń jeńimpazy atanǵan amerıkalyq kompanııa óziniń ıdeıalaryn is júzine asyrý úshin qurylys salasynda ozyq tehnologııalardy ıgergen álemdik tájirıbeli kompanııalardy tartady. Al kórme qalashyǵyndaǵy qurylys kóleminiń basym bóli­gin, 60-70 paıyz nysandaryn qazaqstandyq qurylys kompanııalary salatyn bolady.

Baspasóz máslıhaty barysynda ony ótkizýshiler jýrna­lıs­ter tarapynan qoıylǵan kóp­te­gen suraqtarǵa jaýap berdi.

Jylqybaı JAǴYPARULY,

«Egemen Qazaqstan».