Qala basshysy megapolıstegi medısınalyq mekemelerdi modernızasııalaýdyń úsh jyldyq josparyna saı jedel járdem avtoparkiniń jańaryp jatqanyn aıtady.
– Búgin jedel járdem qyzmetine jańa 50 Hyundai – N 350 BUS Ambulance avtokóligi berildi. Zamanaýı jedel járdem kólikteriniń bortynda defıbrıllıatorlar, elektrokardıograftar, О́JJ apparattary men basqa da qajetti jabdyqtar bar, –dep jazdy ákim áleýmettik jelidegi paraqshasynda.
Onyń aıtýynsha, avtoparkti jańa kóliktermen tolyqtyrý qaladaǵy medısınalyq mekemelerdi modernızasııalaýdyń úsh jyldyq jospary boıynsha júrgizilýde.
– Aǵymdaǵy jyly 74 stasıonar men emhanaǵa shamamen 4,2 myń birliktegi medısınalyq qural-jabdyqtar satyp alyndy. Jedel járdemniń jańa 85 kóligi satyp alyndy. Keler jyldyń basynda taǵy 50 kólik alynatyn bolady, – dep atap ótti Almaty ákimi.
«Jańa kólikter pasıentterge shuǵyl túrde jetip, ýaqytyly kómek kórsetýge septigin tıgizedi. Bul, ásirese, pandemııa kezinde óte mańyzdy. Mindetimiz – qala turǵyndarynyń densaýlyǵyn saqtaý. Saq bolyńyzdar!» dep úndeý joldady ákim qala turǵyndaryna.
