Almaty qalasynda ótken brıfıng kezinde Qazaqstannyń profılaktıkalyq medısına akademııasynyń prezıdenti Almaz Sharman vırýstardyń mýtasııaǵa ushyraýǵa beıim ekenin aıtty.
«Vırýstar únemi mýtasııaǵa ushyraýǵa beıim, bul aıyna keminde eki ret mýtasııalanatyn koronavrýstarǵa da qatysty. Vırýstar jaratylysynan – parazıtter. Olar ıesinen, ıaǵnı adamnan tys ómir súre almaıdy. Vırýs juqtyrǵan adam qaıtys bolǵanda, onymen birge vırýs ta joǵalady. Sondyqtan ıesiniń ólimi vırýs úshin tıimdi emes. Vırýs tiri qalyp, adammen birge ómir súri úshin mýtasııaǵa ushyrap otyrady. Bul qalypty evolıýsııalyq prosess», dedi ol.
Onyń aıtýynsha, koronavırýs mýtasııasy júrip jatyr jáne ol prosess únemi bolady, nátıjesinde COVID-19-dyń maýsymdyq ınfeksııaǵa aınalýyna ákeledi. Al vaksınasııa bul prosesti tek jyldamdatady.
Sonymen qatar professor profılaktıkalyq sharalardy saqtaý qajet ekenin aıtty.
«Betperde taǵý mańyzdy shara bolyp sanalady. Ony aýyzdy jaýyp turatyndaı etip, durys taǵý kerek. Adamdar kóp baratyn oryndardan, mereıtoılar, úılený toılary, eske alý sharalarynan aýlaq júrý kerek. Ásirese, jabyq jáne az jeldetiletin ǵımarattarda ótetin jıyndardan saq bolǵan jón», dedi professor.
