Bul jaıynda Túrkistan oblysy polısııa departamentiniń baspasóz qyzmeti málimdedi.
Túrkistan qalalyq polısııa basqarmasynyń kezekshi bólimine jergilikti turǵyn belgisiz er adam úıinen uıaly telefony men qujattaryn aldap, urlap ketkeni týraly aryzdanǵan.
Jábirlenýshiniń aıtýynsha, alaıaq olardyń senimine kirip, qıyn jaǵdaıǵa tap boldym degen syltaýmen aqsha suraǵan. Sodan keıin olardyń baıqamaı turǵan sátin paıdalanyp, kúdikti Samsung markaly uıaly telefony men onyń qujattaryn urlap, belgisiz baǵytqa qashyp ketken.
Jábirlenýshilerge keltirilgen shyǵynnyń jalpy somasy 120 myń teńgeden asady.
Atalǵan jaıt QR QK-niń 190-baby (alaıaqtyq) boıynsha sotqa deıingi tergeýdiń biryńǵaı tizilimine tirkeldi. Oqıǵa ornyna birden jedel-tergeý tobynyń qyzmetkerleri men Túrkistan QPB-nyń ýchaskelik polısııa ınspektorlary jetti.
Tártip saqshylary jaqyn mańdaǵy barlyq aýmaqtardy, kósheler men úılerdi aralap shyqty, beınebaqylaý kameralaryn tekserdi, kýágerler men kórshilerden jaýap aldy. Jedel-izdestirý is-sharalarynyń nátıjesinde, sondaı-aq kúdiktini tirkegen beınekameralar boıynsha ýchaskelik ınspektor birneshe saǵat ishinde alaıaqty ustady.
Anyqtalǵandaı kúdikti buryn birneshe ret sottalǵan Qyzylorda oblysynyń turǵyny. Tergeý barysynda kúdiktiniń Túrkistan, Shymkent qalalarynda jáne Qyzylorda oblysynda jasalǵan alaıaqtyq pen bóten múlikti urlaýdyń 6 jaıtyna qatysy bar ekeni anyqtaldy.
Qazirgi ýaqytta kúdiktige qatysty sotqa deıingi tergeý amaldary júrgizilýde. Ustalǵan er azamat qamaýda. Aıǵaqty zat retinde alynǵan telefon men qujattar zańdy ıelerine qaıtaryldy. Polıseıler kúdiktiniń basqa da osyǵan uqsas qylmystarǵa qatysy bar-joǵyn anyqtap jatyr.
