Koronavırýs ınfeksııasyn juqtyrǵandardy oqshaýlap, sapaly medısınalyq qyzmet kórsetetin ortalyq 60 kúnde salyndy. Jeti myń sharshy metr aýmaqqa ornalasqan ınfeksııalyq gospıtal 200 orynǵa laıyqtalǵan. Ár tósek - orynǵa jasandy tynys alý qondyrǵysy ornatylǵan. Medısınalyq qural-jabdyqtyń bári qamtylǵan. Jansaqtaý bólimi, zerthanasy bar. Emdelýshilerdiń densaýlyǵyn arnaıy bilezikter arqyly baqylaýǵa bolady.
Sondaı-aq Túrkistanda 8 qabatty keshendi emdeý ortalyǵynyń qurylysy júrgizilýde. Aýmaǵy 100 myń sharshy metrge jýyq emhana qurylysy shilde aıynda bastalǵan. 630 oryndyq kópsalaly aýrýhananyń qurylysy memleket - jekemenshik áriptestigi sheńberinde júzege asyrylýda. «Sembol construction» túrik kompanııasynyń qarjylandyrýymen salynyp jatqan keshendi emdeý ortalyǵy keler jyly paıdalanýǵa beriledi dep josparlanǵan. Ortalyq tolyqtaı zamanaýı medısınalyq qural-jabdyqtarmen qamtamasyz etilmek. Qurylys alańdarynda bolǵan oblys ákimi О́mirzaq Shókeev merdigerlerge nysandy kestege sáıkes aıaqtaýdy mindettep, sapaǵa basa nazar aýdarýdy eskertti.
Túrkistan oblysy
