2020 jylǵy 20 jeltoqsanda saǵat 13.05 shamasynda «Pavlodar-Qyzylorda» respýblıkalyq mańyzǵa ıe tas jolynyń 201 shaqyrymynda «Subaru Outback», «Lada Granta» jáne «Toyota Camry» kólikteriniń qatysýymen jol-kólik oqıǵasy oryn aldy. Jol-kólik oqıǵasy saldarynan «Lada Granta» avtokóliginde bolǵan bes adam (júrgizýshi men tórt jolaýshy, olardyń bireýi jas bala) oqıǵa ornynda qaza tapty.
Oqıǵa ornynda jedel-tergeý toby jumys istep jatyr. Oqıǵanyń mán-jaıy men qaza tapqan adamdardyń jeke bastary anyqtalýda. IIM aýa raıynyń qolaısyzdyǵyna baılanysty alys saparlardan bas tartýǵa jáne aýa raıy men tas joldardyń jaı-kúıi týraly habarlamalarǵa den qoıýǵa keńes beredi. Polıseıler júrgizýshilerdi saq bolýǵa jáne joldyń júrý bóliginde jaıaý júrginshini baıqaǵan kezde muqııat bolýǵa shaqyrady.
Qolaısyz aýa raıy avtokólik júrgizýshileriniń joldaǵy jaǵdaılarǵa nazaryn barynsha shoǵyrlandyrýyn, sondaı-aq qys mezgilinde shınalaryn aýystyra otyryp, kólikti joldaǵy jáne meteorologııalyq jaǵdaılarǵa tıisinshe ázirleýdi talap etedi. Qıyn jaǵdaıǵa tap bolǵan jol qozǵalysynyń barlyq qatysýshylary 102 nómiri boıynsha ishki ister organdarynyń bólinisterine kómek alý úshin táýlik boıy habarlasa alady.
