15 jyl boıy ǵaryshtyq baılanys ortalyǵynyń qyzmetkerleri telekommýnıkasııalyq spýtnıkterdiń tehnıkalyq sıpattamalaryn baqylaýdy, basqarýdy jáne qoldaýdy, sondaı-aq «KazSat» serııaly ǵarysh apparattarynyń monıtorıng júrgizýin júzege asyrýda.
2018 jyldan bastap Qazaqstannyń ǵaryshtyq baılanys kásiporny spýtnıktik baılanys operatorlaryna spýtnıktik sıgnaldy jalǵa berý arqyly aqparattyq tehnologııalar men telekommýnıkasııa qyzmetteriniń naryǵyn 100% qamtamasyz etedi.
«Kazsat» baılanys spýtnıkteriniń qyzmetterin elimizdiń aýmaǵynda ornalasqan 13 myńnan astam baılanys spýtnıkteriniń jer stansııalary bar 15 negizgi qazaqstandyq baılanys jáne habar taratý operatorlary paıdalanady.
«Qazirgi ýaqytta bizdiń aldymyzda halyqaralyq deńgeıge shyǵý jáne jaqyn kórshilerimizge ónim eksportyn qamtamasyz etý mindeti tur. Osy turǵyda Qyrǵyzstanmen yntymaqtastyqtyń bastamasy bar. Sondaı-aq, О́zbekstan men Tájikstannyń spýtnıktik baılanys operatorlarymen jańa jumystardy kútemiz», - dedi «RǴBO» AQ Basqarma tóraǵasy Málik Júıriktaev.
Ortalyq iske qosylǵan sátten bastap eki ret jańartylyp, tehnıkalyq jaǵynan jaraqtandyryldy. «Aqkól» ǵaryshtyq baılanys ortalyǵy Halyqaralyq elektr baılanysy odaǵynyń (ITU) spýtnıktik radıobaqylaý stansııalarynyń biryńǵaı tizilimine engizildi. ITU - Birikken Ulttar Uıymynyń mamandandyrylǵan mekemesi. Onyń aıasynda úkimetter men jeke sektor jahandyq jelilerin, elektr baılanysy qyzmetterin úılestiredi.
2011 jyldan bastap 2019 jylǵa deıin ǵaryshtyq baılanys júıesin paıdalanýdan túsken jalpy tabys 29 mlrd teńgeden astam somany quraıdy. Memlekettik bıýdjetke 6 mlrd teńgeden astam jalpy salyq aýdaryldy. О́tken jyldyń qorytyndysy boıynsha RǴBO mıllıard teńgege jýyq taza paıda alyp, memlekettik qazynaǵa aýdaryldy.
Ortalyq qyzmetkerleri táýlik boıy «Kazsat-2» jáne «KazSat-Z» spýtnıkteriniń baılanys jáne habar taratý júıelerin basqarýda.
