Atap aıtsaq, áıelder arasyndaǵy elimizdiń birinshi raketkasy Elena Rybakına 19 oryndy oljalaýda. Qazaqstandyq tennısshiler arasyndaǵy eń úzdik nátıje ázirge osy. Iýlııa Pýtınseva 28 orynǵa jaıǵassa, Zarına Dııas 80 satyǵa taban tiredi. Qazirgi kezde WTA tiziminde aýstralııalyq Eshlı Bartı jeke-dara kósh bastasa, rýmynııalyq Sımona Halep, japonııalyq Naomı Osaka, amerıkalyq Sofııa Kenın jáne ýkraınalyq Elına Svıtolına úzdik bestiktiń sanatynda.
Erler arasynda búgingi tańda Serbııanyń sańlaǵy Novak Djokovıchke teń keler eshkim tabylmaı tur. Ony ıspanııalyq Rafael Nadal, aýstrııalyq Domınık Tım, reseılik Danııl Medvedev jáne shveısarııalyq Rodjer Federer ókshelep keledi. «TOP-100» oıynshynyń qataryna Qazaqstannyń qos ókili enip otyr. Olar – Aleksandr Býblık (50 oryn) pen Mıhaıl Kýkýshkın (89 oryn).
