Konsentratorlardyń ónimdiligi mınýtyna 5 lıtr taza ottegini quraıdy. Apparatta bir qurylǵyny eki naýqasqa bólý múmkindigi bar. Búgingi tańda ortalyq aýrýhanada bir ýaqytta 500 naýqasty ottegi kózine qosýǵa bolady. Ottegi konsentratorlary qalalyq aýrýhanalar arasynda taratylady.
Qaraǵandy oblysynyń ákimi Jeńis Qasymbek óńirdegi epıdemıologııalyq ahýal búgingi kúni turaqty ekenin atap ótti.
«Oblysta 44 ınfeksııalyq gospıtal ashyldy. Olardyń tek 17-si jumys isteıdi, qalǵany saqtalady. Tehnıkalyq jaǵynan medısınalyq uıymdar tolyq jabdyqtalǵan. Kompıýterlik tomograftardyń qajetti sany, rentgen apparattary, ottegi konsentratorlary, sondaı-aq 600 О́JJ bar. Onyń ishinde qazirgi tańda KVI bar pasıentti emdeýge tek bireýi ǵana tartylǵan», dep atap ótti Qasymbek.
О́ńir basshysyna jańa rentgen apparaty, ýrologııalyq jáne pýlmonologııalyq bólimsheler tanystyryldy. Pýlmoprovızor kesheniniń qýaty – 36 tósek. Palatalarda medısınalyq gazdarmen qamtamasyz etýdiń ortalyqtandyrylǵan júıesin qosý núkteleri shyǵaryldy, sanıtarlyq torap jabdyqtaldy.
Ýrologııa bóliminde Osakarov, Buqar Jyraý jáne Nura aýdandarynyń turǵyndaryna mamandandyrylǵan medısınalyq kómek kórsetiledi.
