Oblystyq polısııa departamentiniń bastyǵy, polısııa polkovnıgi Qamza Úmbetqalıevtyń aıtýynsha, alaıaqtyqpen baılanysty qylmystyń sany artqan. Máselen, bıylǵy jyl basynan beri alaıaqtyq qylmysynyń tek asa iri mólsherde keltirilgen zalal túrine qatysty 10-ǵa jýyq deregi tirkeldi.
«Al jeltoqsan aıynda polısııa departamentine turǵyndardan jaýapkershiligi shektelgen seriktestiktiń biriniń dırektoryna qatysty 40-tan astam aryz tústi. Aryz berýshiler seriktestik dırektorynyń aı saıynǵy paıyzdyq mólsherlememen aqsha qarajatyn (aktıvterdi) aınalysqa salýdy usynǵan alaıaqtyq áreketi týraly shaǵymdandy. Jábirlenýshilerge 300 mıllıon teńgege jýyq materıaldyq zalal keltirilgeni anyqtaldy. Qazir atalǵan seriktestikke qatysty osy tektes aryzdardyń túsýi jalǵasyp jatyr», -deıdi departament bastyǵy Qamza Úmbetqalıev.
