– Biz orfandyq aýrýlar týraly aıttyq, bul endi sırek kezdesetin aýrý túrleri. Eger preparatty alýǵa ruqsat berilgen jaǵdaıda ózge elde tirkelgen dárilerge de qol jetkizýge bolady. Kodeks boıynsha tirkelmegen, biraq sırek kezdesetin aýrýlardy emdeýge qajetti dári-dármekterdi bir rettik ákelýdi qarastyratyn norma bar, – deıdi mınıstrlik ókili.
Onyń aıtýynsha, qazaqstandyqtar BJZQ-daǵy jınap-tergen qarjysyna oftalmologııa, stomatologııa qyzmetterin – protezdeý, terapııalyq emdeý sharalaryn da paıdalana alady. Sondaı-aq qarjyny týa bitti aýrýlar men operasııadan keıingi tyrtyqtardy emdeý maqsatynda qoldanylatyn plastıkalyq operasııalar úshin de jumsaýǵa bolady: Máselen, adamdy kúıik shalsa nemese onkologııalyq dertke shaldyqsa.
Ortalyq kommýnıkasııalar qyzmetinde ótken brıfıng barysynda «Otbasy bank» basqarma tóraǵasy Lázzat Ibragımova zeınetaqy qoryndaǵy qarajatty turǵyn úıdi jóndeýden ótkizý úshin de paıdalanýǵa bolatynyn aıtqan edi.
