Aımaqtar • 31 Jeltoqsan, 2020

Oralda 216 páterlik úı paıdalanýǵa berildi

87 ret kórsetildi

Oral qalasynda 216 páterlik turǵyn úı páter kezeginde turǵan azamattarǵa tapsyryldy. Jańa jyl qarsańynda qýanyshqa kenelgen turǵyndarǵa páter kiltin oblys ákimi Ǵalı Esqalıev saltanatty jaǵdaıda tabys etti, dep habarlaıdy Egemen.kz

Jańa jyl qarsańynda Oral qalasynyń soltústik-shyǵys aýdanynda toǵyz qabatty kóppáterli turǵyn úı paıdalanýǵa berilip, 216 januıa jańa baspanaǵa qol jetkizdi. «Nurly jer» memlekettik baǵdarlamasy aıasynda boı kótergen kóp qabatty turǵyn úı baspana kezeginde turǵan kóp balaly jáne múgedek bala tárbıelep otyrǵan otbasylarǵa, jetim balalarǵa, áleýmettik turǵyda az qamtylǵan januıalarǵa berildi.

Jalpy aýmaǵy 10 myń sharshy metrden asatyn turǵyn úıdiń jobalyq quny 1,8 mlrd teńge. Qurylysty júrgizgen SKF «Otdelstroı» JShS dırektory Valentına Mıhno úıdiń qurylysy 2018 jyly bastalǵanyn, pandemııa kezinde kedergilerge qaramastan tek sapaly qurylys materıaldarynan salyp shyqqanyn aıtady. Sáýletti úı 144-i – bir bólmeli, 72-si – eki bólmeli páterden turady.

– Búgin biz úshin kópten kútken qýanyshty kún. Páter kezeginde turǵanymyzǵa 6 jyl boldy. Ár balanyń nesibesi bar deıdi, balalarymnyń nesibesi búgingi kúnge buıyryp tur eken. Biz sııaqty baspanaǵa muqtaj bolǵan otbasylarǵa jańa jylda jańa páter buıyrsyn dep tileımin, –otbasy jańa úıden eki bólmeli páterge ıe bolǵan.

 

Sońǵy jańalyqtar

Qanat Taımerdenov jańa qyzmetke taǵaıyndaldy

Taǵaıyndaý • Búgin, 17:39

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar