Kaspıı teńizin zertteýdegi halyqaralyq yntymaqtastyqty damytý, antropogendik júktemelerdi baǵalaý jáne ekomonıtorıng, sonymen qatar Kaspıı mańy elderiniń turaqty damýy úshin ekologııalyq bilim berýdi ıntegrasııalaý maqsatynda ótkizilgen konferensııada Kaspıı teńiziniń búgingi tańdaǵy ótkir jáne ózekti máseleleri talqylandy.
Konferensııany quttyqtaý sózimen ýnıversıtet rektory B.B. Ahmetov ashyp, mereıtoı ıesiniń ǵylymda jetken jemisti tabystary men ónegeli isterine toqtady. Sonymen birge ozyq ǵylymnyń tetikterin ıgergen ardager ǵalymymyzdy Mańǵystaý oblysynyń Tabıǵı resýrstar jáne tabıǵat paıdalanýdy retteý basqarmasynyń basshysy D.T. Qusbekov jáne «Kaspıı mańy memleketteriniń memlekettik ýnıversıtetteri qaýymdastyǵy men zertteý ortalyqtary» rektorlary quttyqtap, jyly lebizderin bildirdi. Konferensııa barysynda Tıýmen ındýstrıaldy ýnıversıtetiniń professory V.N. Permıakov, Baký memlekettik ýnıversıtetiniń "Kaspıı" ǵylymı-zertteý jáne aqparattyq ortalyǵynyń dırektory Sh.N. Ismaılov, RǴA «Shırshov atyndaǵy Okeanologııa ınstıtýty» dırektorynyń ǵylymı-uıymdastyrýshylyq jumystar jónindegi orynbasary P.O. Zavıalov, Egeı ýnıversıtetiniń professory A. Ibragımov syndy álemniń ár túkpirinen jınalǵan, ǵylymda úlken jetistikter men zor tabystarǵa ıe ǵalymdar baıandamalaryn jasady. Konferensııada Kaspıı mańy elderiniń ekonomıkasyn jańǵyrtý men óńirlik damytýdyń ekologııalyq-ekonomıkalyq máseleleri qarastyrylyp, Kaspıı mańy elderiniń joǵary oqý oryndarynyń, ǵylymı mekemeler men ÚEU-nyń Kaspıı teńiziniń ekologııalyq monıtorıngin uıymdastyrý joldary talqylandy.
Merekelik shara barysynda ýnıversıtetimizdiń ósip-órkendeýine, ondaǵy ǵylym salasynyń damýyna qosqan úlesi eskerile otyryp, ardager ǵalymymyzǵa arnap ýnıversıtetimizdiń qabyrǵasynan «Professor G.Kenjetaev atyndaǵy kabıneti» ashyldy. Jańa kabınettiń ashylýy jańa ǵylymı baǵyttarǵa serpin berip, kóptegen zertteýlerdiń júrgizilýine sebep bolmaq.
Tehnıka ǵylymdarynyń doktory, professor G.Kenjetaev «Qazaq polıtehnıkalyq ınstıtýtyn» «О́nerkásiptik jáne azamattyq qurylys» mamandyǵy boıynsha bitirgen, ómirin ǵylymmen órnektegen ulaǵatty ustaz 1975-1986 jyldar aralyǵynda Kaspıı mańy qurylys basqarmasynda qyzmet atqarǵan.
-Ǵylymı jańalyqtardy ashýda tabandy izdenister arqyly talaı belesterdi baǵyndyrǵan, óńirimizdegi ǵylymnyń negizin qalaǵan izdenýshi - bilim berý men ǵylymı zertteý baǵytyn 1987 jyldyń 1-shi qyrkúıeginde Sh.Esenov atyndaǵy KMTIÝ-de aǵa oqytýshy qyzmetinen bastaǵan. Dekannyń orynbasary, «Qoldanbaly ekologııa» kafedrasynyń meńgerýshisi, ınjenerlik fakýltetiniń dekany, ınjenerlik-tehnıkalyq ınstıtýtynyń dırektory laýazymdarynda qyzmet atqaryp júrip, túrli jetistikterge qol jetkizgen ǵalym, búgingi tańda, Ýnıversıtet janyndaǵy ǵylymı-zertteý ınstıtýtynyń dırektory bolyp tabylady, deıdi shákirti, «Ekologııa jáne geologııa» kafedrasynyń aǵa oqytýshysy L.S.Taıjanova.
«Ekologııa» mamandyǵy boıynsha QR JAK professory G. J. Kenjetaev osy baǵytta 200-den astam ǵylymı maqalalar, 6 patent, 3 monografııa, 10-nan astam oqý quraldaryn jaryqqa shyǵarǵan. QR BǴM granttyq qarjylandyrý jobasynyń ǵylymı jetekshisi, Mańǵystaý oblysynyń shegindegi Kaspıı jaǵalaýynyń qazirgi jaǵdaıy boıynsha birneshe ǵylymı-zertteý jobalarynyń oryndaýshysy:
- munaı-gaz kesheniniń aımaqtyń tabıǵı ortasyna áserin zertteý;
- Mańǵystaý oblysyndaǵy ekologııalyq jaǵdaıdy jaqsartý boıynsha zertteý júrgizý jáne usynystar ázirleý;
- Kaspıı teńizin zertteý jáne teńiz sýyn tushylandyrý men aǵyzyndy sýlardy tazartý jónindegi ázirlenimder jasaqtaý baǵyttarynda ǵylymı qyzmetin atqarady.
