«Qazir «Qashaǵan» kenishindegi gazdy óńdeý maqsatyndaǵy zaýyt qurylysynyń jobasy ázirlenip jatyr. Jobanyń ınvestısııalyq quny – 370 mlrd teńge. Qurylys jumystary 2021-2023 jyldar aralyǵynda júrgiziledi dep boljanyp otyr. Joba júzege asqan kezde shıkizattyq munaıdy eksporttaý kólemi azaıady. Al óńdelgen munaıdyń eksporty artyp, munaı-hımııa ónimderin shyǵarý isi jolǵa qoıylady», dep habarlady oblys ákimdiginiń baspasóz qyzmeti.
Gaz óńdeý zaýytynyń qurylysyn júrgizý kezinde 2800 jumys orny ashylady. Zaýyt iske qosylǵan soń 600 adam turaqty jumysqa alynady.
