Sondyqtan densaýlyqty kútý – eń áýelgi mindetimiz. Elimizde 18 mln-nan astam adam bar. Ortasha ómir súrý jasy erlerde – 57 jyl, áıelderde – 72 jyl. Munyń basty sebepteri júrek-qan tamyrlary aýrýlary, onkologııalyq ókpe aýrýy, narkomandar, kúızeliske ushyraǵandar, salaýatty ómir saltynyń erejelerin saqtamaǵandar, sýısıd bolyp otyr.
S.Jıenbaev atyndaǵy oblystyq jasóspirimder kitaphanasy elimizdegi epıdemııalyq jaǵdaıǵa baılanysty óz oqyrmandarymen onlaın rejiminde baılanysyn úzgen emes. Oqyrman qaýymǵa qajetti málimetterin, kerekti derekterin onlaın sharalar arqyly júıeli túrde ótkizip otyrady. Jýyrda kitaphanada «Jaraqattyń aldyn alý sharalary» atty aqparattyq saǵat uıymdastyryldy. Is-sharany ótkizýdegi maqsat – jasóspirimderdi jaraqat alǵan kezde kórsetiletin alǵashqy kómektiń negizgi ádis-tásilderimen tanystyrý, adamgershilik qasıet qalyptastyrý, jaraqattanýdy boldyrmaý, alǵashqy kómek kórsete bilýge úıretý, eńbekke baýlý, eń bastysy, densaýlyqqa beı-jaı qaramaýǵa shaqyrý.
Is-shara taqyrybyna saı densaýlyqqa jáne abaısyzda bolatyn jaraqatqa baılanysty kóptegen málimet berildi. Jaraqattaný tek balalar men jasóspirimderge ǵana emes, barlyq jastaǵy adamdarǵa tán. Jyl saıyn álemde ártúrli jaraqattardyń saldarynan 5 mln adam kóz jumady. Bul shamamen jalpy ólim sanynyń 9 paıyzyn quraıdy eken. Ásirese jaraqat jaz, qys aılarynda kóptep kezdesedi. Is-shara barysynda tikeleı efırden tamashalap otyrǵan oqyrmandar jaraqattanýdyń barlyq túrleriniń aldyn alý sharalary týraly aqparattandyryldy. Sonymen qatar jaraqattanýdyń kúıik, úsik, synyq, ýlaný, qan ketý sııaqty túrlerine toqtalyp, jaraqat alǵan jaǵdaıda zardap shegýshige alǵashqy kómek kórsetý joldarymen tanysty. Taqyrypqa saı kitap kórmesi uıymdastyrylyp, kórmege bıblıografııalyq sholý jasaldy. Kitaphana qoryndaǵy densaýlyq, jaraqattyń aldyn alý, alǵashqy kómek týraly kitaptar men beınesıýjet kórsetildi.
Shyraılym QUDASOVA,
S.Jıenbaev atyndaǵy oblystyq jasóspirimder kitaphanasynyń qyzmetkeri
AQTО́BE
