Emdelýge beriletin birjolǵy zeınetaqy tólemderi

Bul týraly jýyrda Pre­zı­dent janyndaǵy Ortalyq kom­mýnıkasııalar qyzmetinde ótken brıfıngte Densaýlyq saqtaý mınıstrliginiń Medı­sı­nalyq kómekti uıym­das­ty­rý departamenti dı­rek­to­rynyń orynbasary Gúlnar Sársenbaeva málimdedi. «Ere­je­de emdelýge birjolǵy zeınet­aqy tólemderin alý tár­tibi jáne birjolǵy zeı­ne­taqy tólemderi esebinen tólenetin medısınalyq qyzmet túrleriniń tizimi aıqyndalǵan», dedi G.Sársenbaeva.

Tizbege sáıkes qazaq­stan­dyqtar ýákiletti organ be­kit­­­­­­ken tizim boıynsha orfan­dyq aýrýlarǵa qymbat em qa­byl­­daıdy, dári-dármekpen qamtamasyz etý, sondaı-aq emdeý taktıkasyn aıqyndaý úshin dıagnostıkalyq zertteýler, Qazaqstan Respýblıkasynyń medısınalyq uıymdarynda kórsetiletin stomatologııalyq qyzmetterdi, operasııadan keıingi tyrtyqtar men týa bitken aqaýlardy, radıonýklıdtik jáne radıoıodterapııany talap etetin aýrýlardy túzetý maqsatynda rekonstrýksııa­laý jáne qalpyna keltirý (plas­tıkalyq) operasııalaryn ala alady, radıohırýrgııalyq emdeý (gamma-pyshaq, kıber pyshaq), protondyq terapııa, otandyq medısınalyq uıymdarda, onyń ishinde Qazaqstan Respýblıkasynyń aýmaǵynda ornalasqan sana­to­rıı-kýrorttyq jaǵ­daı­lar­da medısınalyq ońaltý, oftalmologııalyq qyzmetter (kórý qabiletin lazermen túzetý, mýltıfokaldi lınza­lardy paıdalana otyryp kataraktany emdeý, angıogenez tejegishterin ıntravıtrıaldi ıneksııalar) kórsetiledi.

Emdelýge beriletin bir­jolǵy zeınetaqy tólemi jet­kilikti bolǵan jaǵdaıda, aza­­mat medısınalyq qyz­met tú­r­­leriniń tizbesine sáı­kes bir­­jolǵy zeınetaqy tó­lem­­deri esebinen emdelýge ji­berý týraly dárigerlik komıs­sııa­­nyń qorytyndysyn alý úshin ózi tirkelgen jerdegi medı­sınalyq uıymǵa júginedi. Qa­laýy boıynsha sheteldik, otandyq medısınalyq uıym­dy tańdaıdy jáne emdeý týraly shart jasasady. ESQ kómegimen ýákiletti opera­tor­dyń ınternet-resýrsynda avtorızasııalanady jáne óziniń jeke kabınetin ashady. Jeke kabınette somasyn (biraq qarajatty alýǵa ruq­sat etiletinnen aspaıtyn), paı­dalaný maqsatyn kórsete oty­ryp, birjolǵy zeınetaqy tóle­mi­ne arnalǵan elektrondyq ótinishti toltyrady, dárigerlik komıssııa qorytyndysynyń skanerlengen kóshirmelerin, medısınalyq uıymmen emdeý týraly shartty tirkeıdi jáne óziniń ESQ-men kýálandyrady.

Ýákiletti operator alýshy usynǵan birjolǵy zeınetaqy tólemderiniń nysanaly maq­sa­ty boıynsha qujattardy teksergennen keıin jáne sáıkes kelgen jaǵdaıda olardy alǵan kúnnen bastap 5 jumys kúni ishinde azamattyń tańdaǵan me­dısınalyq uıymy boıyn­sha qarajatty aýdarady. Sondaı-aq erejede emdeý úshin juba­ıy­nyń (zaıybynyń), jaqyn týystarynyń birjolǵy zeı­net­aqy tólemderin paıda­la­nýǵa ruqsat etiledi. Mundaı jaǵdaıda taraptar jeke kabınette týystyq qatynastardy rastaıtyn qujattardy qosa bere­di, olardyń ESQ-men kýá­landyrylatyn birjolǵy zeınetaqy tólemderin berý týraly kelisim jasasady.