«Ústirt qoryǵy aýmaǵyn keńeıtý úshin zoologtar, bıologtar men ekologtar jan-jaqty jumys júrgizý kerek. Ol úshin salmaqty negiz daıyndalýy tıis. Ázirge Bozjyrany Ústirt qoryǵyna engizemiz dep aıta almaımyn. Jumysty zertteý nysanasy turǵysynan tyńǵylyqty júrgizý kerek. Taǵy da aıtar bolsam, ázirge jospar joq, sebebi kez kelgen keńeıtý jumysy negizdi talap etedi», dedi Maǵzum Myrzaǵalıev.
Bozjyra shatqalyndaǵy qonaq úı qurylysy týraly da suraq qoıyldy. Sondaı-aq Ekologııa mınıstri atalǵan máselege birjolata núkte qoıylǵanyn, ınvestor ony basqa jerde salýǵa kelisim bergenin eske saldy.
«Haıptyń bári qaıdan shyqty? Naqty ýchaskege bekitilmegen eskız-jobadan tarap otyr. Sol sebepti bul máselege sýyq aqylmen kelgen jón edi. Pikirtalas toqtamaǵannan keıin biz aýmaqtyq organdardyń ókilderimen jan-janýarlar júretin aýmaqty, áleýetti júktemeni zerttep, ınvestormen de osy máseleni talqyladyq. Sosyn Jabaıyushqan qoryǵynan ketý týraly usynys joldadyq. Aqyry ınvestor ol usynysqa qulaq asty da, máselege núkte qoıyldy», dedi mınıstr.
