«Bizdiń maqsatymyz — túsindirý. Iаǵnı maska taǵý jáne ony durys taǵý, 2 saǵat saıyn aýystyrý, osyndaı qoǵamdyq oryndarda áleýmettik qashyqtyq saqtaý, qolymyzdy únemi zararsyzdandyrýdyń mańyzdylyǵyn turǵyndar esine taǵy bir ret salýǵa keldik. Bul normalardy tek kelýshilerdiń ǵana emes, sonymen qatar atalǵan saýda nysandaryndaǵy kásiporyndar qyzmetkerleriniń de saqtaýy qajet, bul rette biz elordanyń bas sanıtar dárigeriniń normalaryn basshylyqqa alamyz», deıdi Kásipkerlikti damytý jáne ınvestısııa boıynsha basqarmasynyń qyzmet kórsetý jáne saýdany damytý bóliminiń basshysy Rýslan Ydyrysov.
Onyń aıtýynsha, saýda ortalyqtary boıynsha aıtalyqtaı zańbuzýshylyqtar anyqtalǵan joq.
Is-sharaǵa qatysýshylardyń aqparaty boıynsha, aldyńǵy monıtorıngtik jumystyń nátıjeleri sanıtarlyq normalar negizinen qoǵamdyq tamaqtaný oryndarynda buzylatynyn kórsetti.
«Maska kııý óte mańyzdy, mysaly, eger naýqas adam maska kıip júrse, onda ol jaqyn mańdaǵy adamdy ınfeksııadan 15% qorǵaıdy. Sondaı-aq, betperde kıgen adam naýqaspen birge bolǵan jaǵdaıda 70%-ǵa ınfeksııany boldyrmaýy múmkin», deıdi Saryarqa aýdany sanıtarlyq-epıdemııalyq baqylaý basqarmasynyń bas mamany Gúlden Konkabaeva.
ShOB obektileri jol beretin negizgi buzýshylyqtarǵa buqaralyq is-sharalardy ótkizý, jumys rejımin, kelýshilerdiń belgilengen sanyn (30-dan astam), qyzmetkerlerdiń (daıashylar, satýshylar) betperde rejimin saqtamaý, oıyn-saýyq oryndarynyń jumysyna tyıym salýdy elemeý jatady.
Elordanyń sanıtarlyq-epıdemııalyq baqylaý departamentiniń aqparatyna sáıkes, ótken jyldyń 5 shildesinen 31 jeltoqsanyna deıin shekteý jáne karantın sharalaryn buzǵany úshin 1 454 jeke, laýazymdy jáne ákimshilik jaýapkershilikke tartyldy.
