Ekonomıka • 07 Qańtar, 2021

Qazaqstan qaı aıda munaı óndirýdi arttyratyny belgili boldy

17 ret kórsetildi

Energetıka mınıstrligi baspasóz qyzmetiniń habarlaýynsha, OPEK+ kelisimi aıasynda Qazaqstan aqpan jáne naýryz aılarynda munaı óndirisin arttyrady, dep habarlaıdy Egemen.kz

5 qańtar kúni qatysýshy elderdiń vıdeokonferensııa formatynda bolǵan jıynynda 2021 jyldyń aqpan jáne naýryz aılarynda munaı óndirisin qysqartýdyń qazirgi deńgeıin jalǵastyrý týraly sheshim qabyldanǵan.

«Qazaqstan jáne Reseı úshin atalǵan merzimde munaı óndirisin táýligine 10 jáne 65 myń barrelge deıin arttyrý týraly jeke jaǵdaılar qarastyrylǵan. Osylaısha, OPEK+ aıasynda aqpan jáne naýryz aılaryndaǵy Qazaqstannyń mindettemesi táýligine 1,427 mln jáne 1,437 mln barreldi quraıdy» delingen mınıstrlik málimetinde.

Energetıka mınıstri Nurlan Noǵaevtyń aıtýynsha, OPEK+ elderiniń munaı óndirisin qysqartý týraly 2020 jylǵy kelisimi álemdik munaı naryǵyndaǵy baǵany turaqtandyrýǵa septigin tıgizgen. «Qazirgi kezde atalǵan kelisim munaı ındýstrııasy úshin jaǵymdy serpin berýin jalǵastyrýda» deıdi vedomstvo basshysy.

Eske salsaq, byltyr naýryz aıynda OPEK+ elderi uzaq ýaqytqa deıin ózara ýaǵda jasaı almaı, nátıjesinde munaı baǵasy kúrt quldyrap ketken edi. Memleketter tek mamyr aıynan ǵana bastap mámilege kelip, óndiristi úsh aı boıy táýligine 9,7 mıllıon barrelge qysqartýǵa kelisti. Tamyz aıynan bastap táýligine 7,7 mln barrelge qysqartty. Bul kelisim jyl sońyna deıin saqtaldy. 2021 jyldyń qańtar aıyna júktelgen mindet – óndiristi táýligine 7,2 mln barrelge deıin azaıtý. OPEK+ naryq suranysyna baılanysty óndiris kólemin ulǵaıtýǵa qarsy emes. Alaıda ol aıyna 500 myń barrelden aspaýy tıis.

  

 

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar