«Kommersııalyq emes uıymdar týraly» Qazaqstan Respýblıkasy Zańynyń 41-babynyń 5-tarmaǵyna sáıkes málimetter jyl saıyn 31 naýryzǵa deıin joldanýy tıis.
ÚEU Derekqoryna málimetter berý memlekettik áleýmettik tapsyrys jáne memlekettik granttar sheńberinde áleýmettik baǵdarlamalar men áleýmettik jobalardy iske asyrýǵa, sondaı-aq ÚEU úshin syılyq alýǵa arnalǵan konkýrsqa qatysý úshin mindetti shart bolyp tabylady. ÚEU Derekqoryna óz qyzmeti týraly málimetter usynbaǵan uıymdar konkýrstyq rásimderge jiberilmeıdi.
Aıta keteıik, ÚEU Derekqoryna tirkelý uıymdarǵa qazaqstandyq ÚEU-dyń tabysty jobalarymen tanysýǵa, tájirıbe almasýǵa, yntymaqtastyq pen seriktestik ornatýǵa múmkindik beredi.
Málimetter «Úkimettik emes uıymdarymen óz qyzmeti jónindegi málimetterin usyný jáne olar týraly derekqordy qalyptastyrý qaǵıdalaryn bekitý týraly» Qazaqstan Respýblıkasy Mádenıet jáne sport mınıstriniń 2016 jylǵy 19 aqpandaǵy №51 buıryǵymen bekitilgen nysan boıynsha usynylady.
Úkimettik emes uıymdardyń qyzmeti týraly málimetterdi kelesi tásilderdiń birimen usyna alady:
1) ÚEU Derekqorynyń https://infonpo.gov.kz/ ınternet-portaly arqyly (ınternet-portalda avtorızasııadan ótý HQKO-da alynǵan zańdy tulǵanyń ESQ kiltiniń kómegimen múmkin bolady);
2) ýákiletti organǵa qaǵaz jáne elektrondyq tasyǵyshtarda (Word formatynda CD-dıskterde nemese USB-flesh-jınaqtaýshylarda) poshta arqyly nemese qolma-qol usynady (Qazaqstan Respýblıkasy Aqparat jáne qoǵamdyq damý mınıstrliginiń Azamattyq qoǵam isteri komıteti, Nur-Sultan qalasy, Máńgilik El dańǵyly, 8 «Mınıstrlikter Úıi», 15-kireberis).
ÚEU Derekqoryna málimetterdi usynbaý, ýaqtyly usynbaý jáne tolyq emes nemese kórineý, jalǵan málimetterdi usynǵany úshin Qazaqstan Respýblıkasynyń zańnamasyna sáıkes jaýapkershilik kózdelgen.
Osy oraıda, úkimettik emes uıymdardy 2021 jyldyń 31 naýryzyna deıin ÚEU Derekqoryna infonpo.kz aqparattyq resýrsy arqyly 2020 jylǵy qyzmet týraly málimetterdi tapsyrýǵa shaqyramyz, - delingen mınıstrlik taratqan habarlamada.
