Jalpy, 76 shaqyrym joldyń qurylysy bastalady, onyń 43 shaqyrymyn aıaqtaý josparlanyp otyr. Qalǵan 33-i «Álmerek» jáne «Qaırat» yqshamaýdandaryndaǵy sýmen jabdyqtaý jáne sýdan burý jónindegi ınjenerlik jelilerdiń qurylysy aıaqtalǵan soń júzege asady.
Jol qurylysy Alataý aýdanyndaǵy О́jet, Samǵaý, Shańyraq-5; Naýryzbaı aýdanyndaǵy Quramys; Túrksib aýdanyndaǵy Álmerek, Nurshashqan, Qaırat yqshamaýdandarynda bastalady. Atalǵan yqshamaýdandarda 54 myńǵa jýyq adam turady.
Mysaly, Samǵaý yqshamaýdanynda jalpy uzyndyǵy 23 shaqyrym jol bar, onyń 18,4 shaqyrymy asfalttalǵan. 25 kóshedegi qalǵan 4,6 shaqyrymynda jol tósemi joq, munda jańa joldar salynatyn bolady.
Shańyraq-5 yqshamaýdanyndaǵy 29 kóshege 6,6 shaqyrym jańa jol salynady. О́jet yqsh. - 87 kóshege 11,2 shaqyrym; Quramys yqsh. - 27 kóshege 4,9 shaqyrym; Álmerek yqsh. - 46 kóshege 14,6 shaqyrym jol salynatyn bolady. Nurshashqan yqshamaýdanyndaǵy 25 kóshege 4,9 shaqyrym, Qaırat yqshamaýdanyndaǵy 20 kóshege 4,9 shaqyrym jańa joldar salynady.
Bulardan ózge, 2020 jyly sýmen qamtý jáne sýdan burý boıynsha ınjenerlik jeliler tartylǵan Dýman yqshamaýdanynyń joldaryna júrgizilgen kúrdeli jóndeý jumystary jalǵasady. Aǵymdaǵy jyly 59 kóshedegi 26,8 shaqyrym jol kúrdeli jóndeledi. О́tken jyly 6 kóshedegi uzyndyǵy 3,7 shaqyrym bolatyn joldarǵa kúrdeli jóndeý júrgizilgen bolatyn.
Sondaı-aq bıyl uzyndyǵy 183 shaqyrym bolatyn 190 kósheni ortasha jóndeýden ótkizý josparlanýda, onyń tórtten bir bóligi Alataý aýdanyna tıesili.
Almaty ákimi B.Saǵyntaev jol-qurylys jáne jóndeý jumystarynyń sapasyn baqylaýdy, belgilengen merzimderdi saqtaýdy tapsyrdy. О́tken jyldaǵydaı, bıyl da Jańa Almatynyń yqshamaýdandarynda jańa joldar salýǵa basymdyq beriledi.
Búgingi kúni megapolıstegi jaqsy jáne qanaǵattanarlyq jaǵdaıdaǵy joldardyń úlesi 80%-dy quraıdy. Jyl aıaǵynda bul kórsetkish 83%-ǵa jetetin bolady. Buryn habarlanǵanyndaı, 2020 jyly Jańa Almatynyń yqshamaýdandarynda 42,7 shaqyrym jol salyndy. Bulardan ózge, qalada 219,1 shaqyrym jol jóndeldi.
