Almatyda saılaýshylar belsendiligi nege tómen?

Qalalyq advokattar alqasy tóralqasynyń múshesi Nurlan Jazylbekovtyń aıtýynsha, shahardaǵy ýchaskelerde saılaý zańnamasy talaptarynyń buzylýy baıqalmaıdy.

– О́zim №131 ýchastkede daýys berdim. Ol jerdegi daıyndyqqa, kórsetilgen qyzmetke taǵar minim joq. Birneshe kúnnen beri saılaýǵa daıyndyqtyń qalaı júrip jatqanyn baıqap júrdik. Búgin de saılaý ýchastkelerinde boldyq jáne ondaǵy saılaýdyń zań talaptary aıasynda bolyp jatqanyna kóz jetkizdik. Árıne, pandemııaǵa baılanysty qıyndyqtar bar. Biraq joǵary deńgeıdegi daıyndyqtyń arqasynda saılaý zańnamasy talaptary da, sanıtarlyq talaptar da qatań saqtalyp jatyr. Sondyqtan saılaýshylar eshteńege alańdamaı ózderi tirkelgen saılaý ýchaskelerine kelse bolady, – dedi Jazylbekov.

Spıkerdiń aıtýynsha, osy saılaýda partııalar demokratııalyq joldy tańdaı bildi.

– Halyqty qyzyqtyrǵany – saılaýǵa qatysatyn partııalardyń óz kandıdattaryn demokratııalyq jolmen tańdaǵany. Keı partııalar praımerızdi tańdady. Aldaǵy ýaqytta ózge partııalar da naǵyz laıyqty tulǵalardy iriktep shyǵaratyn osy joldy tańdaıdy dep oılaımyn. Bul bizdiń elimizdiń evolıýsııalyq damýyna serpin beredi. 31 memleket baqylaýshy retinde elimizdegi saılaýdy qadaǵalap otyr, – dedi Almaty qalalyq qoǵamdyq keńesiniń múshesi.

«Almaty kópir qurylymdary zaýyty» JShS dırektory Ahmetjan Shardınovtyń aıtýynsha, búgin azamattyq belsendilik tanytatyn kún.

– Búgin aýa-raıy da keremet bolyp tur. Otbasymyzben, balalarymyzben Medeý aýdanynda ornalasqan №412 saılaý ýchaskesine baryp daýys berdik. Ol jerdegi erekshe joǵary deńgeıdegi daıyndyqty atap ótkim keledi. Barlyq sanıtarlyq talaptar saqtalǵan. Arnaıly nusqaýlyqtar ilinip, sanıtaızer, maskamen qamtamasyz etilgen. Baqylaýshylar da kóp. Búgin azamattyq belsendilik tanytatyn kún. Halyq tatýlyq, ultaralyq kelisim jáne Qazaqstannyń ári qaraıǵy damýy jolyndaǵy ádil tańdaýyn jasaıdy dep senemin, – deıdi Shardınov.

Al Eýrazııalyq franchaızıng qaýymdastyǵynyń basshysy Beknur Qısyqov óz kezeginde halyqtyń ýchaskelerge aǵylyp kelmeı jatqanyna baılanysty pikirin bildirdi.

– Birneshe saılaý ýchaskelerine baryp keldik. Baqylaýshylar kóp ekeni baıqalady. Birqatar ýchaskede adam onsha kóp emes eken. Bul endi bir jaǵynan jaqsy. Adamdar erkin daýys berip ketip jatyr. Búgin – jeksenbi, sondyqtan tústen keıin halyq kóptep kele bastaıdy dep oılaımyn. Keshki saǵat 8-ge deıin azamattardyń kelip daýys berýine múmkindik bar. Turǵyndar sol múmkindikterin tıimdi paıdalanady dep kútemin. Jalpy, elimizde osy saılaýǵa erekshe mán berilip otyr. Áleýmettik jelini ashsaq ta, BAQ-ty qarasaq ta bul saılaýǵa degen baqylaýshylardyń ǵana emes, saılaýshylardyń da yqylasynyń erekshe ekenin ańǵaramyz. О́ıtkeni biz el damýy jolynda asa mańyzdy sanalatyn belgili bir evolıýsııalyq qadam jasap jatyrmyz. Muny bizdiń azamattarymyz jaqsy túsinip otyr, – dedi Beknur Qısyqov.