Sebebi saılaý dodasyna qatysyp otyrǵan barlyq partııada Asanáli Áshimovtiń kórermenderi bar. Sol sebepti olardy bir-birinen bóle-jarý qıyn bolsa da, zańnan attap ótpeı, tańdaýyn bir partııaǵa bergen.
– Men óz tańdaýymda jasadym, jáne basqalardyń tańdaýyna qurmetpen qaraımyn. Saılaýǵa qatysyp otyrǵan barlyq partııalardyń saılaýshylary búgingi kúnniń nátıjesine úlken úmitpen qarap otyr.
Basylymdarda almatylyqtardyń belsendiligi óte tómen degen aqparattar tarap jatyr. Búgingi saılaýda barlyqtaryńyzdy barynsha belsendi bolýǵa shaqyramyn. Saılaýlyń nátıjesine qarap, reformalardyń betalysy anyqtalady. Men Parlamentke, Úkimet quramyna jańa Tulǵalardyń kelgenin, Úkimet pen Parlamenttiń qanynyń jańarǵanyn, parlamenttik landshaftyń ózgergenin qalaımyn, sol úshin daýys berdim, – dep sózin túıindedi Asanáli Áshimov.
