"AMО́Z" JShS qoǵammen baılanys bólimi oqıǵaǵa qatysty pikir bildirdi.
"2021 jyldyń 10 qańtarynda Atyraý MО́Z-de Atyraý oblysynyń syrtqy jelilerinde (KEGOC jelisi boıynsha) elektroenegrııa azaıyp ketti. Apat jaǵdaıynyń aldyn alý maqsatynda zaýyttyń otyn jelisi syrtqy elektrmen jabdyqtaý júıesin tolyq turaqtandyrýǵa deıin tehnologııalyq reglamentke sáıkes alaý júıesine baǵyttalǵan", delingen habarlamada.
Sonymen qatar, bul KEGOC-tyń bir kúnde úshinshi ret óshirýi bolyp otyr, mundaı josparlanbaǵan óshirý óndiris jumysyna teris áser etedi.
Buǵan deıin Atyraý oblysynda aýa raıynyń qolaısyzdyǵyna baılanysty oblys ortalyǵynyń keı shaǵyn aýdandary men Inder jáne Mahambet aýdandarynda elektr energııasynyń apat jaǵdaıynda óshirilýi bolǵan.
"Atyraý-Jaryq" AQ qalalyq taratý jelileriniń bastyǵy Ǵabıden Qanatovtyń aıtýynsha, apat "KEGOC" AQ jelisinde, shamamen saǵat 18.30-da bolǵan.
"Aq Jaıyq" málimeti boıynsha, Avangard, Balyqshy, Balaýsa, Prıvokzalnyı, Leshoz, Geolog, Birlik, Tasqala, Kýrılkıno, Damba jáne t.b. shaǵynaýdandarda jaryq sónip qalǵan. Kóptegen saılaý ýchaskesinde adamdar qarańǵyda daýys berýge májbúr boldy.
