Bazalyq mólsherleme aqsha-nesıe saıasatynyń negizgi quraly jáne aqsha-nesıe saıasatynyń operasııalary boıynsha syıaqy mólsherlemelerin belgileýge arnalǵan baǵdar bolyp sanalady.
Jańa zańdyq ózgeriske baılanysty memleket zańnamasynan «qaıta qarjylandyrýdyń resmı mólsherlemesi» uǵymy alynyp tastaldy. Atalǵan norma 2021 jyldyń 1 qańtarynan bastap kúshine engen.
«Osyǵan baılanysty 2021 jyldyń 1 qańtarynan bastap salyq salýda jáne kedendik retteýde ósimpul esepteý kezinde, sondaı-aq tólemderdi, bóten aqshany zańsyz paıdalaný jáne merzimi ótken soma úshin turaqsyzdyq aıybyn, berilgen aqsha somasyn ındeksteýdi, keden bajyn tóleý merzimin keıinge qaldyrý nemese bólip tóleý úshin paıyzdardy ındeksteýdi keshiktirý kezinde azamattyq-quqyqtyq jáne ákimshilik-quqyqtyq qatynastarda bazalyq mólsherleme qoldanylatyn bolady» delingen Ulttyq bank habarlamasynda.
Eske salaıyq, Ulttyq bank sońǵy ret 14 jeltoqsan kúni bazalyq mólsherlemeni 9 paıyz kóleminde qaldyrý týraly sheshim qabyldaǵan bolatyn. Sarapshylar da dál qazirgi sátte osy paıyzdyq mólsherlemeniń qolaıly ekenin aıtady.
