Boks • 12 Qańtar, 2021

Ertýǵannyń eńbegi esh ketken joq

13 ret kórsetildi

Byltyr jyl sońynda Shymkentte ótken Qazaqstan chempıonatynda erekshe kózge túsken boksshylardyń biri – Ertýǵan Zeınýllınov. 63 kg salmaq dárejesinde synǵa túsken 23 jastaǵy jalyndy jas barlyq qarsylasynan basym túsip, bas júldeni oljalady. Osy jarystyń kýási bol­ǵan bilikti bapkerler­den bastap, kógildir ekranǵa kóz tikken kórermen­derdiń barlyǵy da atalǵan bylǵary qolǵap sheberiniń ónerin joǵa­ry baǵalady.

 

E.Zeınýllınov óziniń týyp-ósken jeri Almaty oblysy Qara­tal aýdanynyń Úshtóbe qala­synda boks­tyń qyr-syryna qanyqty. Jer jánnaty Jetisýda Almas Jyń­ǵylbaevtyń qol astynda jat­tyǵyp, tyrnaqaldy tabystaryna qol jetkizdi. Sol kezdegi onyń eń iri jetistigi – Bangkokta ótken jas­tardyń Azııa birinshiliginiń qola júl­desi. Zeınýllınov óz qurdastary ara­synda basqa da dodalarda daralandy. Eseıe kele Al­matydaǵy Qazaqtyń sport jáne týrızm akademııasyna oqýǵa túsip, ol jer­de Qaırat Kármenovten tálim-tárbıe aldy.

Onyń alǵash ret jarq etip kózge túsken tusy – 2016 jyly Tá­jik­stannyń bas shahary Dý­shan­bede uıymdastyrylǵan stý­dentter arasyndaǵy Azııa bi­rin­shiligi. Sóz oraıy kelgende, Qazaqstan Respýblıkasynyń eń­bek sińirgen jattyqtyrýshysy Das­tan Sádýaqasovtyń komanda ja­saqtaýda qyraǵylyǵyn erekshe atap ótken jón. Jas bolsa da bas bolǵan aıtýly maman esimi kóp­shilikke beımálim boksshyny el qu­ramasyna qosty. Pamır taýynyń ete­ginde Zeınýllınov senimdi aqtap, kúmis medaldy oljalady. Arada eki-úsh aı ótken soń Taılandtyń Chıang-Maı qalasynda stýdentter ara­syndaǵy álem chempıonatynyń jalaýy jelbiredi. Bul jarysta Er­týǵan qola júldeni qorjynǵa saldy.   

Joǵarydaǵy jaǵdaı jas jigitti qanattandyrdy. 2017 jyly Shymkentte uıym­dastyrylǵan el chempıonatyn­da ol ózin jaqsy qyrynan kór­setti. Bastapqy básekelerde qar­sylastaryn esh qınalmaı utqan ol jartylaı fınalda Azııa birin­shiliginiń kúmis júldegeri Zákir Safıýllınge ese jiberdi. Bul jeńi­liske bola 20 jastaǵy jigitti eshkim sókpedi. О́ıt­keni qarsylasy tym azýly edi. 31 jastaǵy Zákirdiń 60 kılo salmaqta elimizdiń birinshi nómirli boks­shysy ekenin jurt jaqsy biledi. Kerisinshe, onyń saqa sportshyǵa laıyqty qarsylyq kórsetkenine bapkerleri de, basqalar da rıza boldy. Shymkent saparynan qola medalmen oralǵan Zeınýlınov ulttyq qurama sapyna qabyldandy.

– Respýblıkamyzdyń barlyq óńirinen jınalǵan bylǵary qolǵap sheberleri bas qosqan jarysta úz­dikter sanatyna qosylǵannan keıin jolym ońǵarylatyn shyǵar dep oıladym. Biraq aıaqastynan qyrsyq shaldy. Abaısyzda aıa­ǵymdy syndyryp alyp, bir jylǵa jýyq ýaqyt emdeldim. Jattyǵý men jarystar jaıyna qaldy. Biraq men kúderimdi úzbedim. Jazylǵan soń barymdy salyp daıyndaldym. Eren eńbektiń esh ketpeıtinine sendim. Osy oraıda ózimniń jeke bapkerlerim Almas Jyńǵylbaev pen Qaırat Kármenovke, Qazaqtyń sport jáne týrızm akademııasynyń prezıdenti Qaırat Zakırıanov jáne osy bilim ordasynda eńbek etip júrgen jattyqtyrýshylar Edýard Gabdýlov, Beken Bekmuhamedov, Jetkergen Malshıev, Baqyt Sársekbaev, Dastan Sádýaqasovqa óz rızashylyǵymdy bildiremin. Sondaı-aq jeke kásipkerler Tóle­gen Maqashev pen Serik Aıdar­bekovke de alǵysym sheksiz. Osy aǵalarymnyń qoldaýynyń arqa­synda eshteńege alańdamaı, kóz­degen maqsatyma qol jetkizýge múm­kindik týyndady, – deıdi Ertý­ǵan.

2019 jyly jaraqatynan to­lyq­taı aıyqqan Ertýǵan halyq­a­ralyq týrnırlerde qaıta atoı saldy. Almatydaǵy Saǵadat Nur­maǵambetov, Atyraýdaǵy Isataı men Mahambet jáne Aqtaýdaǵy Shoqyr Bóltekulyn eske túsirýge arnalǵan jarystarda júldegerler sanatyna qosyldy. Jyl sa­ıyn Alataý baýraıynda úzdiksiz uıym­dastyrylyp turatyn Qaırat Rys­qulbekovtiń týrnırinde altyn tuǵyrǵa kóterildi. Shymkenttegi Qara­kóz Ábdálıevtiń dástúrli do­dasynda da qarsylas shaq kel­tirmedi. Sol básekelerde nebir myqtylarmen kúsh synasqan Zeı­nýllınovtiń sheberligi ábden shyńdalyp, ózine degen senimi arta tústi.

Jýyrda Shymkentte ótken el chempıonatynda E.Zeınýlı­nov 63 kg salmaqta óner kór­set­ti. Bastapqy básekelerde taraz­dyq Álimjan Beskempir men elordalyq Temirhan Tezekti tize búktirse, shırek fınalda mań­ǵystaýlyq Dilshat Nurymdy eń­serdi. Bir ókinshtisi, osy jekpe-jekte Almaty oblysy ókiliniń saý­saǵy synyp ketti. Endi alda eki jol bar. Jarysty ári qaraı jal­ǵastyryp, chempıondyq tuǵyrǵa kóterilý úshin aıqasqa shyǵý nemese qola medaldy qanaǵat tutyp, qaıta em-dom qabyldaý. Jaǵdaıdy bapkerine aıtyp kórgen edi, Qaırat Kármenov «Qolyń túsip qalsa da judyryqtasasyń» dep áńgimeni short kesti. Boksshy basyn ızep, keliskendeı syńaı tanytty. Ke­lesi kúni Zeınýllınovti jartylaı fınaldyq saıys kútip turdy.

– Bizdiń odan basqa amalymyz joq edi, – dep bapkeri Q.Kármenov áńgimeni ári qaraı jalǵastyrdy. – Sebebi Ertýǵan 2018 jyly aıaǵyn syndyryp alǵannan keıin ulttyq quramadan shyǵyp qaldy. Jattyǵý prosesin ári qaraı jalǵastyryp, ja­rystarǵa shyǵý úshin ózimiz qar­jy izdep álek boldyq. Tipten, kúl­li álemdi dúrliktirgen pandemııa kezinde de bos jatpadyq. Indet bas­talmaı turyp Almaty oblysy, Aqsý aýdanynyń Taras aýylyna attandyq. Sol jerde Tólegen Ma­qashev esimdi dıqanshy-kásipker bizdiń alańsyz jattyǵýymyz úshin qolaıly jaǵdaı jasady. Tipten, el chempıonatyna baryp-qaıtý úshin qajetti qarajatty da sol kisi óz qal­tasynan berdi. Sóıtip eki aıǵa jýyq ýaqyt boıy jaqsylap turyp jattyǵyp, Shymkentke naǵyz babymyzda attandyq.

Jartylaı fınalda Zeınýl­lınovtiń joly Dilmurat Mıjı­tovpen qıysty. Almaty qala­synyń ókili keıingi jyldary el birin­shiliginde únemi júldegerler qatarynan kórinip júr. Eki maýsym boıy ol Dú­nıejúzilik boks serııasy dodasynda «Astana arlandary» sapynda óner kórsetti. Mine, osy saqa sport­shyǵa qarsy synyq qolymen judyryqtasqan qandasymyz tak­tıkalyq turǵydan óte saýatty qı­myldap, kúmánsiz jeńiske jetti.

Fınalda Ertýǵan Zákir Sa­fıýl­lınmen kúsh synasqysy kel­di. Sebebi osydan úsh jyl bu­ryn dál osy boksshydan ol el chem­pıonatynyń jartylaı fınalynda utylǵan bolatyn. Sodan beri talaı dúrmekti kórgen jas jigittiń sheberligi ábden shyńdaldy. Endi óziniń myqtylyǵyn moıyndatý úshin Olımpıada lısenzııasyna ıelik etken sańlaqty jeńý qajet edi. Biraq bastapqy básekeleriniń birinde jaraqat alǵan Zákir jarysty jalǵastyrýdan bas tartty. Endi fınalda ony Bolat Er­sultan kútip turdy. Alaıda kó­rer­­mender daryndy jastardyń aıqasyn kóre almady. Jartylaı fınalda jaraqattanǵan Aqmola oblysynyń ókili sharshy alań­ǵa shyqpady. Osylaısha, Zeı­nýllınov ózi kópten beri armandap júrgen Qazaqstan chempıony degen ataqqa qol jetkizdi.

Alda Tokıo Olımpıadasynyń alaýy tutanady. Oǵan Ertýǵannyń bara almaıtyny anyq. О́ıtkeni ǵalamdyq dodanyń lısenzııasy 34 jastaǵy ardager boksshy Zákir Safıýllıniń ýysynda. Desek te, alda álem men qurlyq chempıo­nat­tary jáne Azııa oıyndary sekildi kóptegen baıraqty báseke bar. Mine, Almas Jyńǵylbaev pen Qaırat Kármenovtiń shákirti osy jarystarda jasyndaı jarqyl­daıdy dep úmittenemiz.

 

ALMATY

 

Sońǵy jańalyqtar

Nur-Sultan «sary aımaqqa» qaıta endi

Koronavırýs • Búgin, 10:41

Qazaqstanda lombardtar jabylady

Ekonomıka • Búgin, 10:30

Shymkentte otbasylyq bıznes damyp keledi

Aımaqtar • Búgin, 09:53

Búgin 1 naýryz – Alǵys aıtý kúni

Rýhanııat • Búgin, 09:13

Bakýden ushqan bulbul

О́ner • Búgin, 06:57

Juptyq synda top jardy

Sport • Búgin, 06:55

Jambyl jyly jyrlaıdy

Rýhanııat • Búgin, 06:53

Alty medalmen oraldy

Sport • Búgin, 06:52

«Metallýrgpen» baq synaıdy

Sport • Búgin, 06:51

Balalar kitaphanasy jańartyldy

Ádebıet • Búgin, 06:50

Alǵys gımni shyrqaldy

Aımaqtar • Búgin, 06:48

Jelaıaqtar О́skemende saıysty

Sport • Búgin, 06:47

Jas balýandar beldesýi

Sport • Búgin, 06:46

Qysqy trıatlon jarysy ótti

Sport • Búgin, 06:44

Kitap-adamdar

Ádebıet • Búgin, 06:38

О́zgege uqsamaıtyn ómir

Rýhanııat • Búgin, 06:34

Abyz aqyndy Anadoly ulyqtady

Ádebıet • Búgin, 06:33

Jambyl murasy – ult rýhanııatynyń aınasy

Rýhanııat • Búgin, 06:31

Ǵasyrlyq shejiresi bar áýlet

Qoǵam • Búgin, 06:26

Kóńili darhan halyq

Qoǵam • Búgin, 06:17

Júregimiz – Qazaqstanda

Qoǵam • Búgin, 06:14

Boıymda qazaqylyq bar

Qoǵam • Búgin, 06:13

Álemde balamasy joq biregeı teatr

Teatr • Búgin, 06:11

Bul naǵyz rýhanı kamerton

Qoǵam • Búgin, 06:09

Keshendi baǵdarlama qajet

Búgin, 06:04

Allaǵa shúkir etkenimiz...

Qoǵam • Búgin, 05:59

Táýelsizdik qurdastarynyń jobasy

Qoǵam • Búgin, 05:54

Uqsas jańalyqtar