Pikir • 12 Qańtar, 2021

TMD mıssııasy: Ashyq ári ádil ótti

25 ret kórsetildi

Parlament Májilisi men jergilikti máslıhattar depýtattaryn saılaý barysyn baıqaýǵa kelgen Táýelsiz Memleketter Dostastyǵy baıqaýshylary Mıssııasynyń qorytyndy baspasóz máslıhaty ótti. Onda saılaý naýqanyna júrgizilgen halyqaralyq monıtorıngtiń qorytyndylary shyǵaryldy.

BAQ ókilderimen kezdesýde Mıssııa tóraǵasy, Reseı Federasııasynyń qorǵanys jáne qaýipsizdik jónindegi Federaldy Jınalysy Federasııa Keńesi Komıtetiniń Tóraǵasy Vıktor Bondarev TMD-dan kelgen baıqaýshylardyń quramy men jumysy týraly baıandady. Onyń aıtýynsha, Qazaqstandaǵy saılaýǵa TMD elderiniń parlamentteri men ortalyq saılaý komıssııalarynyń, dıplomatııalyq korpýstyń, halyqaralyq uıymdardyń ókilderi, ıaǵnı barlyǵy 234 baıqaýshy akkredıttelipti.

– Biz óz qyzmetimizdi Qazaqstannyń zańnamasyn, Táýelsiz Memleketter Dostastyǵynyń qujattaryn basshylyqqa ala otyryp, saılaý prosesine aralaspaý jáne memlekettiń egemendigin qurmetteý qaǵıdattaryn basshylyqqa ala otyryp, erkin jáne táýelsiz oryndadyq, – dedi V.Bondarev.

V.Bondarev Qazaqstan Ortalyq saılaý komıssııasynyń saılaýǵa daıyndyǵy men ony ótkizýdegi qyzmetin joǵary baǵalady. Sondaı-aq Mıssııa tóraǵasy saılaý komıssııalarynyń múshelerin oqytý, saılaýshylar tizimimen jumys júrgizý, ádil ári ashyq úgit-nasıhat júrgizý, pandemııa jaǵdaıynda daýys berýdi uıymdastyrý sııaqty mańyzdy máselelerdi aıryqsha atap ótti.

– TMD baqylaýshylary saılaý nátıjelerine áser etýi múmkin zańbuzýshylyqtardy tirkegen joq. Mıssııa Parlament Májilisi men jergilikti máslıhat depýtattaryn saılaý ashyq, ádil, básekege qabiletti jáne demokratııalyq saılaýdyń jalpyǵa birdeı qabyldanǵan qaǵıdattaryna sáıkes ótti degen qorytyndyǵa keldi, – dedi Mıssııa tóraǵasy.

 

Sońǵy jańalyqtar

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Uqsas jańalyqtar