Qoǵam • 12 Qańtar, 2021

Qazaqstandyqtar nesıeni jıi ala bastady

99 ret kórsetildi

Ulttyq bank deregine súıensek, 2020 jyldyń 1 jeltoqsanyndaǵy jaǵdaı boıynsha elimizdegi qarjy ınstıtýttary 14,6 trln teńgege nesıe rásimdegen, dep habarlaıdy Egemen.kz

2019 jyldyń dál sol ýaqytyndaǵy rásimdelgen nesıe kólemi 13,6 trln teńgeni quraǵan bolatyn.

Osylaısha, berilgen nesıe kólemi 1 trln teńgege deıin, paıyzǵa shaqqanda 7,1 paıyzǵa ósken. Onyń ishinde zańdy tulǵalar 7,28 trln teńge alsa (bir jylda 2,4 paıyzǵa kóp), jeke tulǵalar (jeke kásipkerlerdi qosa eseptegende) 7,36 trln teńge (bir jylda 12,3 paıyzǵa kóp) nesıe rásimdepti.

О́ńirler bólinisine keler bolsaq, eń kóp nesıe alǵan aımaqtar kóshin Almaty bastaıdy. Elimizdegi eń iri qarjylyq ortalyq turǵyndary 6,8 trln teńge nesıe alǵan. Odan keıin Nur-Sultan qalasy (1,9 trln teńge) jáne Qaraǵandy oblysy (740,1 mlrd teńge) tur. Al Shymkent 641,4 mlrd, ShQO 628,8 mlrd, Atyraý oblysy 489,6 mlrd, Aqtóbe oblysy 449,4 mlrd, Mańǵystaý oblysy 418,7 mlrd, Pavlodar oblysy 414 mlrd, Qostanaı oblysy 364,4 mlrd, BQO 342,2 mlrd, Almaty oblysy 308,5 mlrd teńge nesıe alǵan.

Nesıe alýǵa degen qulshynysy tómen aımaq retinde Qyzylorda oblysyn ataýǵa bolady. Syr óńiri 287,8 mlrd teńgege zaım alǵan. Árıne, odan da tómen óńirler bar. Máselen, Jambyl oblysy 277,3 mlrd, Aqmola oblysy 239,4 mlrd, SQO 183 mlrd jáne Túrkistan oblysy 129 mlrd teńge kórsetkishimen sońǵy oryndarǵa jaıǵasqan.

Nesıeni alý bar da qaıtarý bar. Finprom.kz deregi boıynsha, ekinshi deńgeıli bankterdiń qaryz portfeli 15,41 trln teńgege deıin ulǵaıǵan. Oń jaǵdaıdaǵy ósimge barlyq bankter qol jetkize almaǵan. Tek 26 banktiń 15-iniń ǵana hal-ahýaly jaqsy. Olardyń kóshin Halyk Bank bastap tur. Al qaıtarylmaý merzimi 90 kúnnen asyp ketken (NPL 90+) nesıe kólemi 2020 jyldyń basynan beri 48,5 mlrd teńgege kóbeıip, 1,25 trln teńgege jetken. Nesıelik portfelin ulǵaıtqan 15 banktiń tek beseýi ǵana NPL 90+ deńgeıin tómendete alǵan.

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar