Jartylaı fınaldyq saıysta jerlesimiz álemniń 72 raketkasy 33 jastaǵy Fransııanyń ókili Jeremı Shardımen kúsh synasty. 2 saǵat 5 mınýtqa sozylǵan bul básekede Aleksandrdyń asyǵy alshysynan tústi. Esep – 6:4, 6:7, 6:3. Onyń aldynda ol úsh birdeı ıtalııalyq tennısshi – Salvatore Karýzo, Trıstana Lamazına jáne Matteo Berrettınıden basym túsken edi. Endi Býblık aqtyq synda aýstralııalyq Aleks de Mınaýrmen sheberlik baıqasady. Jasyl qurlyqtyń ókili bul kúnderi ATR reıtınginde 23 oryndy ıelenýde.
Esterińizge sala keteıik, osynyń aldynda ǵana Ábý-Dabıde ótken WTA týrnırinde Qazaqstannyń qos tennısshisi – Elena Rybakına men Iýlııa Pýtınseva óner kórsetken edi. Iýlııa úshinshi aınalymda amerıkalyq Sofıa Kenınge ese jiberse, Elena shırek fınalda belarýssııalyq Elena Sobolenkodan utyldy.
