Спорт • 13 Қаңтар, 2021

Александр Бублик финалға шықты

18 рет көрсетілді

Әлемдік рейтингте 49 орында тұрған қазақстандық теннисші Александр Бублик Түркияның Анталия қаласында өтіп жатқан АТР турнирінің финалына жолдама алды, деп хабарлайды Egemen.kz.

Жартылай финалдық сайыста жерлесіміз әлемнің 72 ракеткасы 33 жастағы Францияның өкілі Жереми Шардимен күш сынасты. 2 сағат 5 минутқа созылған бұл бәсекеде Александрдың асығы алшысынан түсті. Есеп – 6:4, 6:7, 6:3. Оның алдында ол үш бірдей италиялық теннисші – Сальваторе Карузо, Тристана Ламазина және Маттео Берреттиниден басым түскен еді. Енді Бублик ақтық сында аустралиялық Алекс де Минаурмен шеберлік байқасады. Жасыл құрлықтың өкілі бұл күндері АТР рейтингінде 23 орынды иеленуде.

Естеріңізге сала кетейік, осының алдында ғана Әбу-Дабиде өткен WTA турнирінде Қазақстанның қос теннисшісі – Елена Рыбакина мен Юлия Путинцева өнер көрсеткен еді. Юлия үшінші айналымда америкалық Софья Кенинге есе жіберсе, Елена ширек финалда беларуссиялық Елена Соболенкодан ұтылды.

Соңғы жаңалықтар

Маңызды қадам болды

Парламент • Кеше

Ұқсас жаңалықтар